Aktualitet

Persona të maskuar e rrëmbyen dhe e plagosën me armë zjarri në Kretë, 40-vjeçari shqiptar gjendet në rrugë nga kalimtarët, ishte kërcënuar edhe më parë

Ai ka rrëfyer se ka qenë duke parkuar automjetin pranë banesës, kur persona të maskuar e kanë rrëmbyer dhe pasi e kanë çuar në një vend tjetër, e kanë qëlluar me armë zjarri në këmbë dhe e kanë braktisur.

24 Gusht 2024, 13:03 Nga N.F
Persona të maskuar e rrëmbyen dhe e plagosën me armë zjarri
Foto ilustruese

KRETË- Një 40-vjeçar shqiptar është plagosur në ishullin grek, Kretë. Shqiptari u gjet i plagosur nga kalimtarët në orët e para të mëngjesit. Mësohet se 40-vjeçari ishte me një plagë arme zjarri në këmbë.

Shqiptari është transportuar në spitalin Pagni të Kretës ku ndodhet jashtë rrezikut për jetën. Policia greke dyshoi se ngjarja kishte lidhje me një konflikt për motive të dobëta të ndodhur në një klub nate në zonën e Agiou Kostantinou në Irakleo. Por dëshmia e të plagosurit e ka mbuluar ngjarjen me mister.


Ai ka rrëfyer se ka qenë duke parkuar automjetin pranë banesës, kur persona të maskuar e kanë rrëmbyer dhe pasi e kanë çuar në një vend tjetër, e kanë qëlluar me armë zjarri në këmbë dhe e kanë braktisur. 40-vjeçari shprehet se nuk ka arritur të identifikojë asnjë nga autorët, ndërkohë sipas policisë ai rezulton të ketë pasur kërcënime të mëparshme.

greqi plagosje shqiptar

Sondazh

Poll

MË SHUMË