Aktualitet

Asgjësohen 4 parcela me 2848 bimë kanabisi në Shkodër e Pukë, në kërkim një 48-vjeçar

Po ashtu policia njofton se është dentifikuar dhe shpallur në kërkim autori i dyshuar i kultivimit të 74 prej këtyre bimëve, në vendin e quajtur “Lugu i thive”.

21 Gusht 2024, 11:22 Nga M.B
Asgjësohen 4 parcela me 2848 bimë kanabisi në Shkodër e
Foto ilustruese

SHKODRA-  Në Shkodër, Pukë, Malësi të Madhe dhe në Vaun e Dejës janë asgjësuar 4 parcela me 2848 bimë kanabisi. Po ashtu policia njofton se është dentifikuar dhe shpallur në kërkim autori i dyshuar i kultivimit të 74 prej këtyre bimëve, në vendin e quajtur “Lugu i thive”. Gjithashtu njoftohet se po punohet për kapjen e 48-vjeçarit. Sipas policisë, Megaoperacioni “Territor i pastër” vijon.

Njoftimi i policisë:

Në kuadër të megaoperacionit kombëtar “Territor i pastër”, kundër kultivimit të bimëve narkotike, Drejtoria Vendore e Policisë Shkodër dhe komisariatet në varësi të saj, kanë vijuar intensivisht kontrollet në terrene shumë të vështira malore në të gjithë territorin e qarkut, me qëllim konstatimin dhe goditjen e rasteve të kësaj veprimtarie kriminale. Gjatë kësaj faze të megaoperacionit:

-shërbimet e Komisariatit të Policisë Shkodër identifikuan dhe shpallën në kërkim shtetasin Gj. Sh., 48 vjeç, pasi dyshohet se ka kultivuar 74 bimë cannabisi, në vendin e quajtur “Lugu i thive”. Punohet për kapjen e 48-vjeçarit. Gjithashtu, këto shërbime gjetën dhe asgjësuan në territoret e njësive administrative Pult, Shosh dhe Postribë, 1986 bimë të tjera cannabisi;

-shërbimet e Komisariatit të Policisë Malësi e Madhe gjetën dhe asgjësuan në territorin e njësisë administrative Shkrel, 508 bimë cannabisi;

-shërbimet e Komisariatit të Policisë Vau i Dejës gjetën dhe asgjësuan në territorin e njësisë administrative Shllak, 182 bimë cannabisi;

-shërbimet e Komisariatit të Policisë Pukë gjetën dhe asgjësuan në territorin e njësisë administrative Luf-Qerret, 98 bimë cannabisi.

Vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve narkotike.

Megaoperacioni “Territor i pastër” vijon.

shkodra

Sondazh

Poll

MË SHUMË