Aktualitet

Plagosi me thikë një person përballë një klubi nate, arrestohet shqiptari në Barcelonë

Arrestimi i tij ka ardhur pasi dyshohet se ka plagosur një personi. Ngjarja raportohet se ka  ndodhur në lagjen Eixample të Barcelonës. 

21 Gusht 2024, 09:59 Nga N.F

 

Plagosi me thikë një person përballë një klubi nate,
Foto ilustruese

 

BARCELONË- Një shqiptar është vënë në pranga nga autoritetet spanjolle. Arrestimi i tij ka ardhur pasi dyshohet se ka plagosur një personi. Ngjarja raportohet se ka  ndodhur në lagjen Eixample të Barcelonës. 

Shqiptari përdori një thikë të madhe, që mund të ishte edhe një hanxhar duke goditur personin tjetër në këmbë. Ngjarja ka ndodhur në rrugën Entença, përballë një klubi nate, pak pas orës 23:00 të së hënës. Sipas burimeve policore, viktima kishte parkuar automjetin e tij para lokalit me dritare të hapur.

Gjithçka dukej e qetë derisa papritmas një tjetër burrë iu afrua makinës dhe i shkaktoi një plagë në këmbë me një objekt të mprehtë. Mossos d’Esquadra u lajmërua për ngjarjen në orën 23:08 dhe u zhvendos me shpejtësi në vendngjarje, ku gjetën personin e plagosur me lëndime të lehta. Më pas, agjentët kryen një kontroll në zonë dhe arritën të lokalizojnë dhe arrestojnë sulmuesin e dyshuar, i cili tani përballet me akuzën e plagosjes.

spanje arrestim shqiptar plagosje

Sondazh

Poll

MË SHUMË