Sport

UEFA Nations League/ Dalin në shitje biletat për dy ndeshjet e para të Shqipërisë në shtator, ndaj Ukrainës dhe Gjeorgjisë!...

Shqipëria do të nisë rrugëtimin në UEFA Nations League, më 7 shtator në transfertë ndaj Ukrainës, sfidë që do të luhet në Çeki, në stadiumin “Epet Arena”, duke nisur nga ora 20:45.

20 Gusht 2024, 15:20 Nga DOSJA

UEFA Nations League/ Dalin në shitje biletat për dy ndeshjet e para

TIRANE - Federata Shqiptare e Futbollit dëshiron të njoftojë të gjithë futbolldashësit dhe tifozët e Kombëtares, se nga sot do të kenë mundësi që të blejnë biletat e tyre edhe për sfidën e parë në grupin B1 të UEFA Nations League, Ukrainë - Shqipëri në fshf.org në linkun https://fshf.org/shop/.

Çmimi i biletës në “fans away sector” është 1.200 lekë. Biletat janë elektronike dhe do ju dërgohen në “email”-in tuaj 3 ditë përpara ndeshjes më 4 shtator.

Procesi i shitjes së biletave vijon edhe për ndeshjen e dytë të Shqipërisë në grupin B1 ndaj Gjeorgjisë. Ky takim do të luhet më 10 shtator në stadiumin “Air Albania”, në ora 20:45 dhe të gjithë tifozët kanë mundësi që të blejnë biletat e tyre për këtë sfidë në linkun: ebileta.al.

B.T (Dosja.al)

Sondazh

Poll

MË SHUMË