Aktualitet

Kishte kultivuar 250 bimë cannabisi, kapet në flagrancë 43-vjeçari në Lezhë

Sipas njoftimit të policisë i arrestuari kishte mbjellë 250 bimë kanabisi si dhe posedonte fara të tjera më qëllim kultivimin e tyre.

17 Gusht 2024, 11:14 Nga N.F
Kishte kultivuar 250 bimë cannabisi, kapet në flagrancë
Lezhe

LEZHË- Nje 43-vjeçar është vënë në pranga ditën e sotme në Lezhë. Mësohet se arrestimi i tij ka ardhur pasi u kap teksa kultivonte drogë. 

Sipas njoftimit të policisë i arrestuari kishte mbjellë 250 bimë kanabisi si dhe posedonte fara të tjera më qëllim kultivimin e tyre. Nga ky operacion janë sekustruar dhe farat ndërsa materialet procedurale i kaluan Prokurorisë pranë Gjykatës së Shkallës së Parë e Juridiksionit të Përgjithshëm Lezhë, për veprime të mëtejshme.

Njoftimi i plotë:


Lezhë/Finalizohet operacioni policor i koduar “Gjashi”, kundër kultivimit të bimëve narkotike. Kishte kultivuar në pyll, 250 bimë cannabisi, si dhe posedonte fara cannabisi, me qëllim kultivimin, arrestohet në flagrancë 43-vjeçari. Asgjësohet bimët narkotike dhe sekuestrohen farat narkotike. Si rezultat i kontrolleve dhe hetimeve proaktive që po kryhen në bazë të informacioneve nga inteligjenca policore, të siguruara në zbatim të masave të përcaktuara në planin operacional kombëtar “Territor i pastër”, nga Komisariati i Policisë Lezhë u godit një tjetër rast i kultivimit të bimëve narkotike. Për këtë rast, në kuadër të operacionit policor të koduar “Gjashi”, u kap në flagrancë dhe u vu në pranga shtetasi F. T., 43 vjeç, banues në fshatin Mërqi.

43-vjeçari dyshohet se kishte kultivuar 250 bimë cannabisi, në pyll, në afërsi të fshatit Gjash. Më tej, gjatë kontrollit në një ambient në pronësi të këtij shtetasi, Policia gjeti një sasi farash cannabisi që dyshohet se posedoheshin me qëllim kultivimin. Materialet procedurale i kaluan Prokurorisë pranë Gjykatës së Shkallës së Parë e Juridiksionit të Përgjithshëm Lezhë, për veprime të mëtejshme.

arrestim droge lezhe policia

Sondazh

Poll

MË SHUMË