Aktualitet

U ekstraduan nga Dubai, GJKKO do të japë masën e sigurisë për Dervishajn dhe Meçajn

Dervishajt pritet t’i komunikohen 2 masa sigurie ‘arrest me burg’, që kanë vendosur për të në mungesë, për vrasjet e vitit 2005 të Klodian Saliut dhe Vajdin Lames dhe për atentatin ndaj ish-prokurorit Arjan Ndoja.

15 Gusht 2024, 10:01 Nga N.F
U ekstraduan nga Dubai, GJKKO do të japë masën e sigurisë
Foto ilustruese

TIRANË- Ditën e sotme GJKKO do të japë masa e sigurisë për Plaurent Dervishajt dhe e Julian Meçajt. Dervishajt pritet t’i komunikohen 2 masa sigurie ‘arrest me burg’, që kanë vendosur për të në mungesë, për vrasjet e vitit 2005 të Klodian Saliut dhe Vajdin Lames dhe për atentatin ndaj ish-prokurorit Arjan Ndoja.

Ndërsa Mecajt do t’i komunikohet masa arrest me burg për ngjarjen e 1 nëntorit 2019, ku në atentatin ndaj Arjan Ndojës dhe Aleksander Lahos i njohur si “Rrumi”, humbi jetën shoferi Andi Maloku.

Si ndodhi atentati ndaj Ndojës? 

Më 1 nëntor  2019 një atentat me breshëri automatiku iu bë ndaj ish- prokurorit Arjan Ndoj pranë mbikalimit të Shkozetit. Ditën e ngjarjes Prokurori Ndoja ishte në automjet me një person me precedentë penalë, të njohur si i "forti i Sukthit",  Aleksandër Laho (alias Pëllumb Muharremi). i njohur si 'Rrumi i Shijakut', dhe me Andi Malokun, ish-punonjës i policisë në komisariatin e Krujës, shofer i prokurorit, i cili mbeti i vdekur. Për ngjarjen janë duke u gjykuar në shkallën e parë edhe Redjan Rraja dhe Arjol Halilaj, të akuzuar si qitës në atentat.

gjkko plaurent dervishaj julian mecaj

Sondazh

Poll

MË SHUMË