Politike

"Qeveri teknike dhe fitore"/ Berisha: Kauza jonë do triumfojë, u kalua një provë e madhe, prova tjetër është fitorja!

Berisha u shpreh se është kaluar një provë e madhe dhe prova tjetër është fitorja.

9 Gusht 2024, 20:49 Nga E. D
"Qeveri teknike dhe fitore"/ Berisha: Kauza jonë do
Sali Berisha

TIRANË- Kreu i Partisë Demokratike Sali Berisha në fjalimin e tij të përnatshëm tha se ka siguruar mbështetësit demokratë se kauza e tyre do të triumfojë. Berisha u shpreh se është kaluar një provë e madhe dhe prova tjetër është fitorja.

"Çdo minutë, çdo orë, papagajtë e qeverisë ju mashtrojnë. Kripto-avoketërit e regjimit që lëpijnë kockat e tij me qyrk opozitari, nga mëngjesi në darkë sulmojnë opozitën. Prandaj dhe ju jeni heronj të vërtetë që qëndroni në këtë terren. Që nuk dorëzoheni dhe nuk do të dorëzoheni kurrë! Apolegjetërit e mashtrimit, apostujt e krimit, e drogës, e vjedhjes, sot janë në revansh të plotë. Por sot, përsëri gjithnjë e më shumë ka qytetarë që zotohen dhe do zotohen për t’u përleshur me Hasinanë e Tiranës, me Maduron e Tiranës.

Për t’u rikthyer shqiptarëve votën e lirë, sado që t’u fryjnë brirëve të mashtrimit papagajtë e qeverisë, kripto-avoketërit e votës së vjedhur, e rezultateve kallpe, e votës së shitur, përsëri kauza jonë nuk mposhtet. Kauza jonë do triumfojë! U kalua një provë e madhe, prova tjetër është fitorja. Qeveri teknike dhe fitore. Ndaj dhe shpreh edhe njëherë nderimin tim më të madh për ju, oratorët e Parlamentit të Lirisë, qytetarët dhe qytetaret që ngrihen si viganë, që kanë vendosur të përballen me të keqen më të madhe që kombi ka pasur në histori, Edi Ramën, regjimin e tij. Edhe njëherë mirënjohje, mirënjohje, mirënjohje! Fitore, fitore, fitore" tha Berisha. 

sali berisha

Sondazh

Poll

MË SHUMË