Politike

Abuzimi me fondet e BE/ Kërkoi ndryshim të sigurisë në "arrest shtëpie", shtyhet seanca për Beqajn në Apelin e GJKKO-së

Sipas raportimeve, Beqaj ka kërkuar ndryshim të masës së sigurisë, nga arrest në burg në arrest shtëpie, me garanci pasurore pesë milionë lekë.

5 Gusht 2024, 14:16 Nga r.ll
Abuzimi me fondet e BE/ Kërkoi ndryshim të sigurisë në
ilir beqaj

TIRANË- Apeli i Gjykatës së Posaçme ka shtyrë seancën për ish-ministrin e Shëndetësisë, Ilir Beqajn, i cili po hetohet për abuzim me fondet e BE.  Seanca e ardhshme është caktuar të mbahet të mërkurën, 7 gusht, në orën 13:00. Sipas raportimeve, Beqaj ka kërkuar ndryshim të masës së sigurisë, nga arrest në burg në arrest shtëpie, me garanci pasurore pesë milionë lekë.

Ilir Beqaj u arrestua më 4 korrik të këtij viti dhe veç tij në pranga u vu dhe Ermal Kurtulaj, krahu i tij i djathtë dhe Alfred Nikolla. Beqaj u arrestua lidhur me shpërdorimin e fondeve të BE-së, përmes agjencisë SASPAC, të cilën ish-ministri i Shëndetësisë e drejtonte, edhe pse më parë ndaj tij, SPAK kishte nisur hetimet lidhur me koncesionet në shëndetësi. Përmes një deklarate, SPAK sqaroi se nga hetimet rezultoi se kur drejtonte Agjencinë SASPAC, ka ngritur skemë përfitimi me fatura dhe procedura prokurimi fiktive, duke zhvatur fondet e BE (Programi IPA II).

Sipas Prokurorisë së Posaçme, fondet për aktivitetet e agjencisë SASPAC shkonin te fituesit e paracaktuar sipas urdhrave dhe direktivave që jepte Beqaj. Në funksion të kësaj skeme, thotë SPAK, Beqaj ka bashkëpunuar me Ermal Kurtulaj, financieri dhe bashkëpunëtori i ngushtë i tij. Restoranti “Gzona’ brenda në Kalanë e Tiranës, sipas SPAK, ndonëse ka për administrator një person tjetër, është pronë e fshehur e Beqajt. SPAK thekson se Beqaj ka investuar te restorant “Gzona” prej vitit 2019 shumat 21 411 euro dhe 4 666 110 lekë të reja për blerjen e pajisjeve dhe 34 783 euro si shpenzime qiraje.

ilir beqaj apeli i gjkko

Sondazh

Poll

MË SHUMË