Politike

Zgjedhjet në Himarë, Partia e Lirisë: Kartat e skaduara, pjesë e operacionit mafioz të Ramës për të tjetërsuar vullnetin e himariotëve

Po ashtu Blushi deklaron se një tjetër fakt i rëndë është mos reagimi i SPAK, për këtë veprim. 

4 Gusht 2024, 12:16 Nga I.A
Zgjedhjet në Himarë, Partia e Lirisë: Kartat e skaduara,
Tedi Blushi

TIRANË- Sekretari i Përgjithshëm i Partisë së Lirisë Tedi Blushi ka komentuar sot moslejimin e votimit me karta të skaduara. Me anë të një postimi në Facebook, Blushi thekson se kjo është pjesë e operacionit mafioz të Ramës për të tjetërsuar vullnetin e himariotëve. Po ashtu Blushi deklaron se një tjetër fakt i rëndë është mos reagimi i SPAK, për këtë veprim. 

"Mohimi i së drejtës kushtetuese të votimit për 6157 qytetarë të Himarës, me pretendimin e dokumentave të identifikimit të skaduara, është pjesë e operacionit mafioz të Edi Ramës për të tjetërsuar me dhunë shtetërore dhe manipuluar me çdo mënyrë vullnetin e himariotëve. Në kundërshtim flagrant me praktikat e aplikuara në proceset e mëparshme zgjedhore, ku qytetarët me karta identiteti të skaduara janë lejuar të votojnë, me urdhër direkt të Edi Ramës kësaj here është penguar qëllimisht nxjerrja e akteve përkatëse ligjore për të garantuar të drejtën e votës për të gjithë zgjedhësit. Zbarkimi i të gjithë makinerisë së narkoshtetit në Himarë, presionet dhe shantazhet e faktuara kriminale, përdorimi i parave të pista për blerjen e votave dhe transferimi i paligjshëm i gjendjes civile në Himarë të qindra qytetarëve nga bashki të tjera janë disa nga aktet kriminale të Edi Ramës në funksion të rrëmbimit të Himarës.

Më e rëndë është fakti se pjesë e këtij operacioni mafioz është bërë edhe SPAK që nuk ka bërë asnjë reagim për të ndaluar manipulimin e zgjedhjeve pavarësisht denoncimeve konkrete, përkundrazi i ka hapur rrugën Edi Ramës për të tjetërsuar dhe grabitur votat, siç rrëmbeu një vit më parë, dy ditë para zgjedhjeve, Kryetarin e zgjedhur Fredi Beleri. Duke nxitur të gjitha institucionet ndërkombëtare që monitorojnë zgjedhjet të reagojnë me forcë, u bëjmë thirrje të gjithë himariotëve patriotë të qëndrojnë trimërisht në mbrojtje të votës, të marrin pjesë masivisht në votime dhe të ndëshkojnë këtë bandë që kërkon t'u rrëmbejë shtëpitë, pronat, detin dhe dinjitetin. Himara është e himariotëve," shkruan Blushi. 

Zgjedhjet në Himarë po mbahen, pasi Komisioni Qendror i Zgjedheve vendosi që t'i hiqte fitoren eurodeputetit Fredi Beleri. Beleri u dënua nga Gjykata e Posaçme me 2 vite burg për korrupsion në zgjedhje.

tedi blushi zgjedhjet e pjesshme ne himare

Sondazh

Poll

MË SHUMË