Politike

FOTOLAJM/ Nga të qeshurat mes Ballës dhe Ballukut, Paloka me këmbë mbi tavolinë e deri te ministrat e rinj lozha, çfarë nuk u pa nga seanca plenare e jashtëzakonshme sot?

Nga kjo seancë e sotme pati dhe pamje nga më të ndryshmet, duke nisur nga të qeshurat mes ministrit në largim Taulant Balla dhe zv. Kryeministres Belinda Balluku apo deputeti Edi Paloka që vendosi këmbët mbi tavolinë teksa opozita protestonte në foltore. Në fakt nuk ka munguar as prezenca e 3 ministrave të rinj të cilët u panë në lozhat e Kuvendit.

30 Korrik 2024, 18:34 Nga M.B
FOTOLAJM/ Nga të qeshurat mes Ballës dhe Ballukut, Paloka me
Foto nga Kuvendi

TIRANA- Pasditen e sotme është zhvilluar seanca e jashtëzakonshme parlamentare në Kuvend lidhur me votimin e ndryshimeve në qeveri. Seanca ka nisur dhe përfunduar mes tensionesh dhe me një opozitë e cilia qëndroi gjatë gjithë kohës duke bllokuar foltoren dhe me prezencën e gardës. Kreu i grupit parlamentar Gazment Bardhi ka kërkuar fjalën për procedurë, gjë e cila nuk u realiazua nga kryetarja e Kuvendit Lindita Nikolla. Kjo e fundit tha se kërkesa e opozitës për debat lidhur me ndryshimet në qeveri nuk pranohet bazuar dhe në procedurat e mëparshme të ngjashme.

Veç votimit të ministrave të rinj, Elisa Spiropali është zgjedhur Kryetare e Kuvendit të Shqipërisë me 75 vota pro dhe 4 kundër. Votimi për Spiropalin është zhvilluar me elektronikë, në pamundësi për tu zhvilluar me kuti, për shkak të tensioneve në sallën e Kuvendit.

Nga kjo seancë e sotme pati dhe pamje nga më të ndryshmet, duke nisur nga të qeshurat mes ministrit në largim Taulant Balla dhe zv. Kryeministres Belinda Balluku apo deputeti Edi Paloka që vendosi këmbët mbi tavolinë teksa opozita protestonte në foltore. Në fakt nuk ka munguar as prezenca e 3 ministrave të rinj të cilët u panë në lozhat e Kuvendit.

kuvendi

Sondazh

Poll

MË SHUMË