Politike

Kërkesë për pavlefshmërinë e akteve dhe revokimi i masës, mbahet sot seanca në GJKKO për Berishën

Avokatët e Berishës kanë parashtruar dy kërkesa për pavlefshmërinë dhe papërdorshmërinë e akteve dhe revokimin e masës. Në seancën e mëparshme Prokuroria i ka vendosur ne dispozicion pa pagese, fashikujt hetimore nëpërmjet postës elektronike.

30 Korrik 2024, 11:26 Nga N.F
Kërkesë për pavlefshmërinë e akteve dhe revokimi i
Berisha dhe Malltezi

TIRANË- Ditën e sotme do të mbahet seanca e radhës për kreun e Partisë Demokratike, Sali Berisha. Mësohet se seanca në GJKKO për Berishën është parashikuar të mbahet në orën 14:00. Avokatët e Berishës kanë parashtruar dy kërkesa për pavlefshmërinë dhe papërdorshmërinë e akteve dhe revokimin e masës. Në seancën e mëparshme Prokuroria i ka vendosur ne dispozicion pa pagese, fashikujt hetimore nëpërmjet postës elektronike.

Lideri i opozitës, Sali Berisha dhe dhëndri i tij, Jamarbër Malltezi janë lënë në masën e sigurisë "arrest shtëpie" për çështjen e privatizimit të ish-kompleksit sportiv Partizani. Më herët, Sali Berisha ka refuzuar masat e dhëna nga SPAK, atë të detyrimit të paraqitjes dhe të ndalimit të daljes jashtë shtetit, duke i konsideruar masat si antikushtetuese. Pas moszbatimit të këtyre masave, Struktura e Posaçme ashpërsoi masën e sigurisë për Berishën, duke e lënë në arrest shtëpie. Gjykata e Posaçme urdhëroi Berishën të mos largohet nga banesa e tij dhe të mos komunikojë me persona të tjerë përveç atyre që bashkëjetojnë me të në të njëjtën banesë, ndërsa për zbatimin e kësaj mase ngarkoi SPAK-un dhe shërbimet e policisë gjyqësore.

sali berisha malltezi seance gjyqesore

Sondazh

Poll