Politike

Ndryshimet në qeveri/ Shtyhet për nesër seanca e posaçme plenare për betimin e ministrave të rinj dhe kryetares së Kuvendit

Deputetët socialistë janë njoftuar në mbledhjen e grupit se seanca do të shtyhet për nesër sepse Presidenti ende nuk i ka dekretuar ndryshimet në qeveri.

29 Korrik 2024, 09:20 Nga r.ll
Ndryshimet në qeveri/ Shtyhet për nesër seanca e posaçme
kuvendi

TIRANË- Është shtyrë për nesër seanca e posaçme plenare për ndryshimet në qeveri. Deputetët socialistë janë njoftuar në mbledhjen e grupit se seanca do të shtyhet për nesër sepse Presidenti ende nuk i ka dekretuar ndryshimet në qeveri.

Në seancën që ishte planifikuar të mbahej sot pasdite pritet të bëhet betimi i Elisa Spiropalit si kryetare e Kuvendit dhe betimi tre ministrave të rinj. 

Ndryshimet në qeveri dhe PS

Elisa Spiropali – ikën nga posti i ministres së shtetit për Marrëdhëniet me Parlamentin – Emërohet Kryetare e Kuvendit pas dorëheqjes së Lindita Nikolla

Taulant Balla – Ikën nga posti i ministrit të Brendshëm – Emërohet ministër i Marrëdhënieve me Parlamentin – Post i mbajtur deri sot nga Elisa Spiropali

Ervin Hoxha – Emërohet Ministër i Brendshëm – Post i mbajtur deri sot nga Taulant Balla – Aktualisht mbante postin e kreut të IKMT-së

Petrit Malaj – Emërohet Ministër i Financave – Post i mbajtur deri sot Ervin Mete – Aktualisht mbante postin e kreut të AKBN-së

Pirro Vëngu -Emërohet  Ministër I Mbrojtjes  – Post i mbajtur deri sot nga Niko Peleshi –  Aktualisht mbante postin e Drejtorit të Autoritetit Portual të Durrësit

Bledi Çuçi – Ikën nga posti i kryetarit të grupit PS – Emërohet Nënkrytetar i parlamentit – Post i mbajtur deri sot nga Ermonela Felaj.

seance plenare kuvend

Sondazh

Poll

MË SHUMË