Sport

Sancho larg United? Ten Hag përgjigjet: "Këtu duam të fitojmë, ai është i shkëlqyer"

“Jemi në një sezon të ri”, tha ai. “Ne kemi lënë gjithçka pas vetes dhe presim të ecim përpara”.

28 Korrik 2024, 08:29 Nga DOSJA
Sancho larg United? Ten Hag përgjigjet: "Këtu duam të

ANGLI - Nëse ka një emër që ka përfunduar në syrin e stuhisë së tregut ndërkombëtar, ai është Jadon Sancho. Anësori i majtë anglez, pasi u sqarua me Erik ten Hag, mundi të rikthehej në stërvitje në qendrën sportive të Manchester United, duke u kthyer nga huazimi i tij te Borussia Dortmund. Një lëvizje që shërbeu për të arritur një sqarim, ose të paktën një pakt të bashkëjetesës paqësore mes të dyve.

Dhe kur u pyet për Sançon, por edhe për Antonin, i cili sezonin e kaluar pati vështirësi për shkak të akuzave jashtë fushës, trajneri i “Djajve të Kuq” shpjegoi mendimet e tij: “Për çdo individ është ndryshe”, tha ish-trajneri i Ajax.

"Askush nuk ka të njëjtin sfond, por është e qartë se ne duam të fitojmë dhe të dy janë lojtarë të shkëlqyer," janë fjalët e cituara nga BBC.

Ndërkohë, që Ten Hag po qëndron në pankinën e Manchester United pas rinovimit të gjetur me klubin: “Jemi në një sezon të ri”, tha ai. “Ne kemi lënë gjithçka pas vetes dhe presim të ecim përpara”.

Duke shtuar: "Unë kurrë nuk mendoj nëse jam në një pozicion të fortë apo të dobët. Kur merr përsipër të drejtosh një dhomë zhveshjeje, që nuk ka fituar një trofe për gjashtë vjet, duhet të përmirësohesh. Por nuk mendoj se jam i fortë, apo i dobët, dua të bashkëpunojmë vetë, jam i sigurt se do të jemi edhe më të suksesshëm”.

B.T (Dosja.al)

Sondazh

Poll

MË SHUMË