Sport

Haaland: "Unë ende mund të përmirësohem. Kalendari? Ka më shumë se 70 ndeshje"

“Unë jam duke punuar për këtë. Shpresoj që të bëhem një futbollist më i mirë dhe një qenie njerëzore më e mirë këtë sezon”

28 Korrik 2024, 07:27 Nga DOSJA
Haaland: "Unë ende mund të përmirësohem. Kalendari? Ka

ANGLI - Erling Haaland është gati të nisë sezonin e tretë me ngjyrat e Manchester Cityt.

Në moshën 24-vjeçare, 21 korrikun e kaluar dhe pas dy sezoneve të mrekullueshme në Premier League (52 gola dhe 9 asistime në vitin e parë, më pas 38 gola dhe 6 asistime vitin e kaluar), megjithatë qendërsulmuesi norvegjez nuk dëshiron të vendosë kufij.

Përkundrazi, synon të përmirësohet më tej. Një diktat i pashmangshëm kur je në ‘oborrin’ e Pep Guardiolës, i inkurajuar vazhdimisht për të arritur majat që ndonjëherë nuk janë as të perceptueshme.

Pasi fitoi Premier Ligën e katërt radhazi në historinë e klubit, një rekord absolut në ligën angleze, Erling Haaland dëshiron të kthehet për të shijuar trofe të tjerë. Dhe fitorja e Ligës së Kampionëve në Stamboll në vitin e tij të parë me ‘Qytetarët’ do të mbetet e ngulitur për gjithë jetën, pavarësisht duelit demon me Francesco Acerbi dhe Inter.

Qëllime të reja? "Jam përmirësuar në shumë aspekte. Po përpiqem të bëhem një version më i mirë i vetes, si në fushë, ashtu edhe jashtë saj. Tashmë kam thënë në disa raste se mund të përmirësohem në shumë fusha.

Unë jam duke punuar për këtë. Shpresoj që të bëhem një futbollist më i mirë, - tha Haaland, - dhe një qenie njerëzore më e mirë këtë sezon. Duhet të mendosh për këtë ditë pas dite, pa shikuar shumë përpara, sepse do të ketë më shumë se 70 ndeshje, nëse i luaj të gjitha, plus ndërkombëtaret. Ka të bëjë me përpjekjet për të bërë mirë në çdo ndeshje, sepse kjo është puna ime”,- citohet ai nga L'Equipe.

B.T (Dosja.al)

 

Sondazh

Poll

MË SHUMË