Aktualitet

Plagoset me thikë një person në Vlorë, ngjarja ndodhi pas një konflikti për motive të dobëta

Ngjarja ka ndodhur në një rastorant gjatë një konflikti të çastit për motive të dobëta, ku i riu ka goditur me thikë 38-vjeçarin me iniciale R. V., banues në Vlorë (me probleme të shëndetit mendor).

27 Korrik 2024, 20:54 Nga r.ll
Plagoset me thikë një person në Vlorë, ngjarja ndodhi pas
foto ilustruese

VLORË- Një plagosje me thikë ka ndodhur mbrëmjen e sotme në lagjen "Pavarësia" në qytetin e Vlorës. Sipas informacioneve paraprake autori është një 17 vjeçar. 

Ngjarja ka ndodhur në një rastorant gjatë një konflikti të çastit për motive të dobëta, ku i riu ka goditur me thikë 38-vjeçarin me iniciale R. V., banues në Vlorë (me probleme të shëndetit mendor).

Policia ka mbërritur menjëherë në vendngjarje, ndërsa i plagosuri ndodhet jashtë rrezikut për jetën dhe është transportuar në spital për ndihmë mjekësore.

NJOFTIMI I POLICISË:

Sot, rreth orës 19:30, në lagjen “Pavarësia”, në vendin e quajtur “Aleksandria”, në një restorant, dyshohet se shtetasi i mitur I. H., 17 vjeç, gjatë një konflikti të çastit për motive të dobëta, ka goditur me mjet prerës (thikë) shtetasin R. V., 38 vjeç, banues në Vlorë (me probleme të shëndetit mendor), i cili aktualisht ndodhet në spitalin e Vlorës, jashtë rrezikut për jetën.

Shërbimet e Policisë kanë bërë të mundur kapjen dhe shoqërimin e autorit të dyshuar në Komisariatin e Policisë Vlorë për veprime të mëtejshme procedurale. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.

plagosje ne vlore

Sondazh

Poll

MË SHUMË