Sport

“Paris 2024”/ Nicolás Otamendi reagon ndaj polemikave: “Ajo që ndodhi, na bën të ndihemi të zemëruar dhe të pafuqishëm”

Kapiteni kritikoi vendimin e VAR për të anuluar golin e Argjentinës më shumë se një orë pas fishkëllimës së fundit, duke çuar në humbjen e Albiceleste kundër Marokut.

25 Korrik 2024, 13:12 Nga DOSJA
“Paris 2024”/ Nicolás Otamendi reagon ndaj polemikave:

FRANCE - Nicolás Otamendi në llogarinë e tij personale në Instagram ka kritikuar atë që ndodhi në ndeshjen mes Argjentinës dhe Marokut, në raundin e parë të grupit B të turneut të futbollit të Lojërave Olimpike.

VAR, kujtojmë, anuloi golin e barazimit argjentinas, që kishte ndodhur në 90+16', rreth një orë pas fishkëllimës së fundit. Si rezultat, lojtarët duhej të ktheheshin në fushë për të luajtur tre minuta shtesë.

 
 
 
 
 
View this post on Instagram
 
 
 
 
 
 
 
 
 
 
 

A post shared by Twitter Oficial: @Notamendi30 (@nicolasotamendi30)

“Faleminderit të gjithëve për mbështetjen dhe mesazhet tuaja. Erdhëm për të garuar si gjithmonë, kudo që të jetë, në shtëpi apo jashtë. Por ajo që ndodhi sot (dje) na lë të zemëruar dhe të pafuqishëm, që një gjë e tillë ndodh në një ngjarje aq të rëndësishme sa Lojërat Olimpike, ku një medalje olimpike është në lojë.

Sa për ne, duhet të shohim përpara dhe të mendojmë për të shtunën. Më të bashkuar se kurrë. Le të shkojmë Argjentina!”, ka shkruar qendërmbrojtësi, i cili ishte kapiten në ndeshjen e Albiceleste.

Otamendi kishte reaguar më herët për ngjarjet, duke e cilësuar vendimin e VAR-it si “turp historik”.

B.T (Dosja.al)

Sondazh

Poll

MË SHUMË