Sport

Manchester United revolucion në organikën e klubit, nis operacioni ‘fshesa’...

Manchester United revolucion në organikën e klubit, nis operacioni ‘fshesa’

25 Korrik 2024, 10:37 Nga DOSJA
Manchester United revolucion në organikën e klubit, nis operacioni

ANGLI - Manchester United do të nisë turneun e tij parasezonal në Los Angeles, duke lënë pas një atmosferë pasigurie për qindra anëtarë të stafit.

Klubi, tani nën menaxhimin e bashkëpronarëve Ineos dhe Sir Jim Ratcliffe, është duke përgatitur një ulje të konsiderueshme të kostove që mund të çojë në deri në 250 humbje pune në ‘Old Trafford’ sipas DailyMail.

Në takimet e zhvilluara të martën, punonjësit u informuan për departamentet dhe individët që mund të preken nga ky proces i largimit nga puna.

Stafi i prekur drejtpërdrejt nga ky njoftim u njoftua një javë më parë, duke sjellë një ulje të lehtë të numrit të pjesëmarrësve në turneun e këtij viti në krahasim me verën e kaluar. Përafërsisht 125 persona, duke përfshirë lojtarë dhe trajnerë, do të udhëtojnë në Kaliforni.

Kursime në shpenzime…

Morali brenda klubit ka qenë në nivelin më të ulët prej disa muajsh, i përkeqësuar nga masat e ristrukturimit të parashikuara nga kompania Interpath, e mandatuar nga Sir Jim Ratcliffe.

“Ne duhet të transformojmë ndjeshëm klubin për të përmbushur sfidat aktuale dhe të ardhshme, si brenda dhe jashtë fushës,”- tha Collette Roche, drejtoreshë e operacioneve.

Procesi i planifikuar i uljes së kostove mund të kursejë deri në 10 milionë funte në vit dhe shihet si i nevojshëm për të investuar në operacionet dhe infrastrukturën e futbollit.

B.T (Dosja.al)

Sondazh

Poll

MË SHUMË