Politike

Zgjedhjet e pjesshme në Himarë/ Sot afati i fundit që partitë të depozitojnë kërkesat, PD ende nuk është regjistruar, 7 parti në garë

Nga lista e publikuar deri më tani mungon emrin i PD-së ndërsa nuk është regjistruar ende. Në listën e publikuar deri më tani janë depozituar kërkesat e Partisë Socialiste, Partisë së Lirisë, FRD, PDK e të tjerë.

22 Korrik 2024, 11:12 Nga N.F
Zgjedhjet e pjesshme në Himarë/ Sot afati i fundit që
Foto ilustruese

HIMARË- Më 4 gusht do të mbahen zgjedhjet e pjessme në bashkinë e Himarës. Ndërkohë sot është afati i fundit që partitë të bëjne regjistrimet për të marrë pjesënë garë. Afati është deri në 16:00 ndërsa deri më tani janë paraqitur 7 parti në garë.

Nga lista e publikuar deri më tani mungon emrin i PD-së ndërsa nuk është regjistruar ende. Në listën e publikuar deri më tani janë depozituar kërkesat e Partisë Socialiste, Partisë së Lirisë, FRD, PDK e të tjerë.


Lista e partive që kanë depozituar kërkesën për tu regjistruar në zgjedhjet e Himarës:

1.    Partia Socialiste e Shqipërisë (PS);
2.    Partia e Lirisë (PL);
3.    Partia republikane (PR);
4.    Partia Demokristiane (PDK);
5.    Partia Balli Kombëtar (PBK);
6.    Partia Bashkimi për të Drejtat e Njeriut (PBDNJ);
7.    Fryma Re Demokratike (FRD);

Më 5 korrik të këtij viti, KQZ deklaroi pavlefshmërinë e mandatit të kryetarit të zgjedhur të Himarës Fredi Beleri, pas vendimit të formës së prerë të Gjykatës së Apelit e cila e dënoi atë me dy vjet burgim, për korrupsion në zgjedhje.

Atë ditë, Beleri, i pranishëm në mbledhje, por dhe mbrojtësit e tij, mbështetën idenë se Komisioni Qendror i Zgjedhjeve nuk mund të shprehej për këtë rast, pa një vendim të qeverisë që e shkarkonte atë nga detyra. Por sipas kreut të KQZ, Ilirjan Celibashi, vendimi mbështetej në të ashtuquajturin Ligj të Dekriminalizimit.

Me urgjencë, qeveria kërkoi më pas shpalljen e zgjedhjeve të reja në Himarë, nga presidenti, i cili po ashtu me shpejtesi dekretoi 4 gushtin si ditën e votimit.

himare zgjedhjet e pjesshme

Sondazh

Poll

MË SHUMË