Aktualitet

‘Të paguajnë edhe qytetarët për banesat e tyre’/ Propozimi i Luljeta Bozos: Kush u tha ta bëjnë shtëpinë pa themel?

9 Dhjetor 2019, 16:06 Nga DOSJA
‘Të paguajnë edhe qytetarët për banesat e tyre’/

TIRANË– Inxhinerja Luljeta Bozo ka qënë e pranishme në mbledhjen e Komitetit të Rindërtimit nga kryeministri Edi Rama.

Në fjalën e saj, Bozo ka bërë propozimin që qytetarët të kontribuuojnë në rindërtimin e banesave të tyre, të cilat janë prekur nga tërmeti. 

“Duhet ndarë për ndërtimin e banesave të reja, a do paguajë qeveria apo individi? Unë mendoj që duhet të paguajë një pjesë edhe individi. Kush të tha ta bësh shtëpinë pa themel, pa kollona. Bën katin e parë dhe bën të dytin. Pa teknik. Nuk po them gjë për inxhiner po një teknik se janë bërë të gjithë ndërtues,”-tha ndër të tjera inxhinerja.

Përgjigjen për propozimin e saj, Bozo e ka marrë nga kryeministri Edi Rama, i cili tha se kësaj here qeveria do të paguajë për dëmet, por ky do të jetë rasti i fundit.

“Mesazhi do shkojë qartë. Nuk do të rimbursojmë më dëme që janë rezultat i fatkeqsive natyrore. Të gjitha banesat të sigurohen. Kush e ka të pasiguruar të marrë përsipër. Kur është puna për të përfituar individi përfiton sa të mundet, kur është puna për të paguar…,”-shtoi Rama.


Është mbledhur sot Komiteti i Rindërtimit. Rama ka treguar shifrat e banesave të dëmtuara duke u bërë thirrje banorëve që të bashkëpunojnë me strukturat dhe të mos i dëmtojnë vet. Kryeministri shtoi se do të ketë një ligj të posaçëm për rindërtimin dhe po ashtu do propozojë ligj për sigurimin e detyrueshëm. Elvis Naçi premtoi se do mbledh 10 milionë Euro dhe do ndërtojë banesa në Thumanë.

Është mbledhur sot Komiteti i Rindërtimit.

(k.m./dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet edi rama komiteti i rindertimit luljeta bozo propozimi i luljeta bozos tragjedia e 26 nentorit 2019 edi rama komiteti i rindertimit luljeta bozo propozimi i luljeta bozos tragjedia e 26 nentorit 2019

Sondazh

Poll