Sport

Leo Messi, pas dëmtimit të rëndë, tani lëviz me këpucë speciale - Shikoni videon...

Argjentinasi ndoqi ndeshjen e parë të Inter Miamit pas Kupës së Amerikës

18 Korrik 2024, 15:23 Nga DOSJA
Leo Messi, pas dëmtimit të rëndë, tani lëviz me

SHBA - Lionel Messi ndodhet në Miami, duke u rikuperuar nga lëndimi i rëndë në finalen e Copa America.

Superylli i kombëtares argjentinase u detyrua të largohej nga ndeshja (66’), pasi dëmtoi kyçin e këmbës, me urdhër të stafit mjekësor, të frikësuar nga një pasojë edhe më e rëndë.

Pas lotëve të tij në stol dhe gëzimit që pasoi me trofeun e Copa America për herë të dytë radhazi, erdhi lajmi qetësues për Messin, i cili pritet të jetë jashtë fushës për më pak se dy muaj.

Si pjesë e rikuperimit të tij, ai vesh një këpucë speciale për të mbajtur këmbën të qëndrueshme, me të cilën ishte parë edhe në fushë, së bashku me partneren e tij, Antonella Roccuzzo.

Në atë ndeshje, Inter Miami mundi Toronton 3-1 dhe u ngjit përsëri në krye të Konferencës Lindore MLS me 50 pikë, i ndjekur me 48 nga Cincinnati në vendin e dytë, i cili pësoi humbjen e dytë radhazi.

Shikoni videon e këpucës së Messit:

B.T (Dosja.al)

Sondazh

Poll

MË SHUMË