Politike

Projektligji për votën e diasporës, Bardhi: Zgjidhja jonë është më e mira! Ja çfarë parashikon drafti i Partisë Demokratike

Lidhur me numërimin e votave, PD kërkon njëjtë si PS të bëhen në KQZ dhe shpërndarja e votave sipas qarkut ku kanë jetuar. 

17 Korrik 2024, 19:16 Nga M.B
Projektligji për votën e diasporës, Bardhi: Zgjidhja jonë
Gazment Bardhi

TIRANA- Me "dështimin" e Grupi i Dialogut, PD dhe PS janë futur në garë propozimesh për votën e diasporës. PD gjithashtu ka paralajmëruar se do të dërgojë e vetme në Kuvend projektligjin për mënyrën e votimit të emigrantëve. Kreu i Grupit Parlamentar të Partisë Demokratike, Gazment Bardhi ka thënë se në fokus të këtyre propozimeve është mundësia që të gjithë emigrantët të votojnë, deklarojnë apo jo një adresë. 

"Për ne vota e diasporës është çështje prioritare. Ka gjithë mbështetjen e grupit parlamentar të PD dhe besojmë që zgjidhja që kanë propozuar përfaqësuesit tanë përmes draftit është zgjidhja më e mirë dhe garanton votën për çdo qytetar që jeton jashtë", ka thënë Bardhi.

Ja çfarë shkruhet në drafin e opozitës që pritet të depozitohet në Kuvend:

Lista e zgjedhësve jashtë vendit është një listë e vetme në shkallë vendi dhe përmban listën e shtetasve shqiptare që janë të regjistruar në Regjistrin Kombëtar të Gjendjes Civile dhe kanë shprehur vullnetin të votojnë nga jashtë territorit të Republikës së Shqipërisë.

Regjistrimi i zgjedhësve jashtë vendit realizohet nga KQZ-ja. Procesi i hartimit të listës së zgjedhësve jashtë vendit fillon 100 ditë para datës së zgjedhjeve dhe përfundon 50 ditë para kësaj date...

KQZ përzgjedh me procedurë të hapur një operator postar me eksperiencë dhe reputacion ndërkombëtar që siguron postë të shpejtë

Lidhur me numërimin e votave, PD kërkon njëjtë si PS të bëhen në KQZ dhe shpërndarja e votave sipas qarkut ku kanë jetuar. 

gazment bardhi

Sondazh

Poll

MË SHUMË