Aktualitet

Tentoi të kalonte ilegalisht 2 emigrantë nga Irani, arrestohet 38-vjeçari në Shkodër

Materialet procedurale i kaluan Prokurorisë, për veprime të mëtejshme.

12 Korrik 2024, 11:13 Nga M.B
Tentoi të kalonte ilegalisht 2 emigrantë nga Irani, arrestohet
Foto ilustruese

SHKODRA- Një 38-vjeçar është arrestuar në Shkodër pasi është kapur në flagrancë në fshatin Vukpalaj duke transportuar dy emigrant. Mësohet se 38-vjeçari ka tentuar transportojë 2 emigrantë nga Irani, me qëllim kalimin e kufirit kundrejt parave. Ai u kap duke udhëtuar me makinën e tij tip BMW që u sekuestrua së bashku me 2 celularë në cilësinë e provave materiale.

Njoftimi i policisë:

DVKM Shkodër/Finalizohet operacioni policor i koduar “Near”.

U kap në flagrancë në fshatin Vukpalaj, duke transportuar me automjet, kundrejt pagesës, 2 emigrantë nga Irani, që synonin të kalonin ilegalisht kufirin, vihet në pranga 38-vjeçari.

Shërbimet e Stacionit të Policisë Kufitare Bajzë, në vijim të punës për goditjen e aktivitetit kriminal të dhënies ndihmë shtetasve të huaj, kundrejt pagesës, për kalim të paligjshëm të kufirit, në bazë të informacioneve të siguruara në rrugë policore, për një rast të tillë, kanë organizuar në bashkëpunim me DVKM Shkodër, operacionin policor të koduar “Near”, si rezultat i të cilit u arrestua në flagrancë shtetasi:

O.S., 38 vjeç, banues në Tiranë.

Ky shtetas u kap në flagrancë nga sherbimet e Policisë Kufitare, në rrugën e fshatit Vukpalaj, duke transportuar me automjetin tip “BMW”, kundrejt pagesës, 2 emigrantë nga Irani, që synonin të kalonin ilegalisht kufirin. Në cilësinë e provës materiale u sekuestruan automjeti dhe 2 celularë. Materialet procedurale i kaluan Prokurorisë, për veprime të mëtejshme.

shkodra

Sondazh

Poll

MË SHUMË