Aktualitet

Bëri kallëzim të rremë për vjedhjen e mjetit për të përfituar kompensimin, e pëson 27-vjeçari në Vlorë

Materialet i kaluan Prokurorisë, për veprime të mëtejshme.

12 Korrik 2024, 09:13 Nga M.B
Bëri kallëzim të rremë për vjedhjen e mjetit për
Mjeti

VLORA- Një 27 vjeçar është proceduar penalisht në Vlorë, pasi bëri kallëzim të rremë për vjedhjen e mjetit për të përfituar kompensimin. Mësohet se në vijim të veprimeve, u referuan materialet në Prokurori ku nisi procedimi në gjendje të lirë për shtetasin 27-vjeçarin, banues në Itali. Materialet i kaluan Prokurorisë, për veprime të mëtejshme.

Njoftimi i policisë:

Bëri kallëzim të rremë për vjedhjen e automjetit të tij me vlerë 60 000 euro, për të përfituar  kompensimin me të njëjtën vlerë, procedohet penalisht 27-vjeçari.   

Gjendet i fshehur në një garazh dhe sekuestrohet automjeti i 27-vjeçarit.  

Strukturat hetimore të Komisariatit të Policisë Vlorë, menjëherë pas marrjes së kallëzimit nga shtetasi K. Ç., banues në Itali, se në Zvërnec i kishin vjedhur automjetin e tij tip “Range Rover” me targa italiane, me vlerë 60 000 euro, organizuan punën për zbardhjen e këtij rasti.   

Nga veprimet hetimore, bazuar dhe në pamjet filmike të siguruara, rezultoi se shtetasi K. Ç. kishte bërë kallëzim të rremë për vjedhjen e automjetit të tij, me qëllim përfitimin e kompensimit me vlerën 60 000 euro, nga kompania e siguracionit të automjetit.

 Në vijim të veprimeve, u referuan materialet në Prokurori ku nisi procedimi në gjendje të lirë për shtetasin K. C., 27 vjeç, banues në Itali.    

Si rezultat i kontrolleve të kryera në bashkëpunim me Komisariatin e Policisë Nr. 4, u gjet i fshehur në një garazh në Tiranë, automjeti tip “Range Rover”, i cili u sekuestrua në cilësinë e provës materiale.   

Materialet i kaluan Prokurorisë, për veprime të mëtejshme.

vlora

Sondazh

Poll

MË SHUMË