Sport

Champions League/ Egnatia dorëzohet në shtesë, humb ndeshjen por dhe dy lojtarë

Egnatia nuk ia del të shmangë humbjen në transfertë ndaj skuadrës boshnjake, Borac Banja Luka, në raundin e parë kualifikues të Champions League (1-0).

11 Korrik 2024, 08:30 Nga DOSJA

BOSNJE - Kampionia e Shqipërisë, e cila luajti nga minuta e 28-të me një lojtar më pak, pësoi gol në minutën e 6-të shtesë dhe tashmë do të ketë një detyrë më të vështirë në ndeshjen e kthimit, ku duhet të fitojë me dy gola diferencën për t’u kualifikuar (ose me një gol diferencë, duke pasur fat në goditjet e penalltive).

Egnatia, kampionia e Shqipërisë ia doli të rezistonte deri në minutën 90+6 të shtesës, moment kur Damir Hrelja e dërgoi topin në rrjetë nga një distancë e afërt.

Një nga lojtarët më të mirë të skuadrës rrogozhinase, Zejnullai, mori karton të kuq direkt, pas verifikimit të pamjeve në sistemin VAR. Arbitri anuloi kartonin e verdhë dhe e drejtoi lojtarin drejt dhomave të zhveshjes. Në minutën e 11-të shtesës, edhe Ndreca mori kartonin e dytë të verdhë, me Egnatian luajti për pak çaste me dy lojtarë më pak.

Ndeshja e kthimit do të luhet më 17 korrik në ‘Elbasan Arena’, duke filluar nga ora 21:00. Egnatia do të përpiqet të përmbysë rezultatin e ndeshjes së pare, ndërkohë që edo të vuajë edhe mungesën Arbin Zejnullait dhe Edison Ndrecës, të cilët janë ndëshkuar me kartoin të kuq.

Champions League/ Egnatia dorëzohet në shtesë, humb ndeshjen por