Politike

"Raporti i AMF copy-paste!" Braçe: Në treg nuk hyn asnjë kompani e re

Braçe tha se raporti i këtij viti është i njëjti si ai i vitit të kaluar.

4 Korrik 2024, 19:18 Nga M.B
"Raporti i AMF copy-paste!" Braçe: Në treg nuk hyn
Erion Braçe

TIRANA- Deputeti i Partisë Socialiste Erion Braçe ka folur në Kuvend për Raportin vjetor të Autoritetit të Mbikëqyrjes Financiare për vitin 2023. Braçe tha se raporti i këtij viti është i njëjti si ai i vitit të kaluar. Ai theksoi ndër të tjera se nuk hyn asnjë kompani të re në atë treg.

“Raporti edhe këtë vit është i njëjti copy -paste. Në tregun e sigurimeve që është më masivi nga pikëpamja e produktit nuk ka asgjë, në atë treg nuk lëviz asgjë, janë të njëjtat kompani dhe nuk ndryshojnë. Nuk hyn në treg asnjë kompani e re. Po të lexonit raportin e Autoritetit të Konkurrencës, shihet se në këtë treg ka një marrëveshje, që për habi e miraton edhe Autoriteti i Konkurrencës që duhet të garantojë konkurrencën miraton një marrëveshje midis gjithë kompanive që operojnë në tregun e sigurimeve. Është një çmim që e zbatojnë të gjithë dhe pastaj ndajnë të ardhurat sepse kanë ndarë tregun me për qindje", tha ai. 

erion brace

Sondazh

Poll