Aktualitet

E rëndë në Kavajë/ Vjehrri plagosë me thikë dhëndrin, në pranga 64-vjeçari

Policia në Kavajë ka arrestuar një 64-vjeçar, pasi dyshohet për plagosje. 64-vjeçari dyshohet se ka plagosur me thikë dhëndrin e tij, 46 vjeç. Mësohet se vjehrri ka ndërhyrë në konflikt familjar, pasi vajza e tij dhe dhëndri kanë bërë sherr me njëri-tjetrin.

3 Korrik 2024, 19:03 Nga E. D
E rëndë në Kavajë/ Vjehrri plagosë me thikë
foto ilustruese

KAVAJË- Një 64-vjeçar është arrestuar në Kavajë, pasi ka plagosur me thikë dhëndrin e tij. Bëhet me dije se vjehrri ka ndërhyrë në konflikt familjar, pasi vajza e tij dhe dhëndri kanë bërë sherr me njëri-tjetrin. Gjithashtu Grupi hetimor po punon për sqarimin e plotë të rrethanave të ngjarjes. 

Njoftimi i Policisë:

Plagosi me mjet prerës dhëndrin e tij, shoqërohet në Polici 64-vjeçari, autor i dyshuar i plagosjes. Rreth orës 17:00, në Spitalin Rajonal Durrës, ka shkuar për ndihmë mjekësore shtetasi L. D., 46 vjeç, banues në lagjen nr.3, Kavajë, i plagosur me mjet prerës (thikë), jashtë rrezikut për jetën.

Shërbimet e Policisë dhe grupi hetimor, me marrjen e njoftimit, kanë shkuar menjëherë në spital dhe në vendin ku ka ndodhur ngjarja (në banesën e shtetasit L. D) dhe, falë reagimit në kohë dhe veprimeve të shpejta, kanë bërë shoqërimin e vjehrrit të 46-vjeçarit, shtetasin P. D., 64 vjeç.

Nga veprimet e para hetimore, dyshohet se shtetasi P. D., e ka plagosur me mjet prerës (thikë) dhëndrin e tij për motive familjare, pasi 46-vjeçarit fillimisht është konfliktuar me bashkëshorten e tij e më pas dyshohet se ka ndërhyrë vjehrri për të ndihmuar vajzën e tij, ku gjatë këtij konflikti ky i fundit e ka plagosur me thikë.

Grupi hetimor, nën drejtimin e Prokurorit të gatshëm, po punon për sqarimin e plotë të rrethanave të ngjarjes dhe dokumentimin e plotë ligjor të rastit.

policia e kavajes

Sondazh

Poll