Aktualitet

Parandalohet krimi në Velipojë/ 33-vjeçari kërcënon me armë zjarri kuzhinierin e një lokali, shpallet në kërkim nga policia (EMRI)

Ishmi menjëherë sapo ka parë efektivët e policisë që po afroheshin te lokali, hodhi armën dhe u largua me shpejtësi. Policia po punon për kapjen e tij.

30 Qershor 2024, 15:47 Nga r.ll
Parandalohet krimi në Velipojë/ 33-vjeçari kërcënon
foto ilustruese

VELIPOJË- Një 33-vjeçar është shpallur në kërkim nga policia pasi kërcënoi me armë zjarri kuzhinierin e një lokali në Velipojë, pas një konflikti çasti.

Eriseld Ishmi kanosi me armë kuzhinierin e lokalit në fshatin Pulaj-Plazh, pas përfshirjes në konfliktin mes një kamarieri dhe kuzhinierit. 

Ishmi menjëherë sapo ka parë efektivët e policisë që po afroheshin te lokali, hodhi armën dhe u largua me shpejtësi. Policia po punon për kapjen e tij.

NJOFTIMI I POLICISË:

Kanosi me armë zjarri pistoletë kuzhinierin e lokalit gjatë një konflikti të çastit. Policia identifikoi dhe shpalli në kërkim një 33-vjeçar si autor të dyshuar. 33-vjeçari kur konstatoi se po vinin shërbimet e Policisë hodhi armën e zjarrit dhe u largua me shpejtësi ku vijon puna për kapjen e tijë.

Sekuestrohet në cilësinë e provës materiale arma e zjarrit pistoletë.

Shërbimet e Stacionit të Policisë Velipojë dhe të Komisariatit të Policisë Shkodër menjëherë pas njoftimit të marrë se në një lokal në fshatin Pulaj-Plazh, po ndodhte një konflikt, kanë shkuar menjëherë në adresën e dhënë.

Nga veprimet e shpejta rezultoi se në lokalin me administrator shtetasin E. F., kishte ndodhur një konflikt i çastit mes shtetasve E. H., 20 vjeç, kamarier i lokalit dhe shtetasit A. F., 33 vjeç, banues në Vaun e Dejës, kuzhinier i lokalit. Në konflikt ishte përfshirë dhe shtetasi E. I., 33 vjeç, banues në Shkodër, i cili kishte kanosur me armë zjarri pistoletë kuzhinierin e lokalit, shtetasin A. F.

33-vjeçari kur ka parë shërbimet e Policisë që po afroheshin te lokali, hodhi armën dhe u larguar me shpejtësi ku vijon puna për kapjen dhe arrestimin e tij.

Grupi hetimor nën drejtimin e Prokurorisë vijon veprimet hetimore për sqarimin dhe dokumentimin e plotë ligjor të rastit.

Materialet procedurale i kaluan Prokurorisë, për veprime të mëtejshme.

ersild ishmi velipoje

Sondazh

Poll

MË SHUMË