Politike

Dosja 5D/ GJKKO rrëzon kërkesën e 3 ish-drejtorëve për zbutjen e masës së sigurisë, vijojnë qëndrimin në qeli

Gjykata e Posaçme rrëzoi sot sërish kërkesën e tyre për zbutje të masës së sigurisë.

24 Qershor 2024, 11:08 Nga M.B
Dosja 5D/ GJKKO rrëzon kërkesën e 3 ish-drejtorëve për
Foto ilustruese

TIRANA- Tre ish-drejtorët e Bashkisë Tiranë Redi Molla, Taulant Tushe dhe Mariglen Qato do vijojnë qëndrimin në qeli. Gjykata e Posaçme rrëzoi sot sërish kërkesën e tyre për zbutje të masës së sigurisë.

Tre ish-drejtorët u arrestuan në muajin mars të këtij viti me urdhër të Prokurorisë së Posaçme Antikorrupsion, në kuadër të hetimeve për dosjen “5D”. Ata u lanë në masën “arrest në burg”, ndërsa pesë persona të tjerë në masën “detyrim paraqitje”, konkretisht Enton Punavija, Julian Zanaj, Albano Janku, Nestor Muhamellari, Deborah Keçi dhe Englatina Zere.

Sipas SPAK, Qato dhe Molla janë pronarë de facto të kompanisë “5D”, e cila sipas hetimeve, ka rezultuar fituese në disa tendera pranë bashkisë. Bëhet fjalë për 11 procedura tenderimi në harkun kohorë të 6 viteve, nga 2016 deri në 2022.  Kompania njihet dhe me dy emra të ndryshëm “Igor Electric” dhe “Vas construcion”.

dosja 5d

Sondazh

Poll

MË SHUMË