Aktualitet

Aksident te "Ura e Dajlanit" në Durrës, humb jetën 22-vjeçari, pësoi arrest kardiak dhe u përplas me trafik ndarësen

Dyshohet se 22-vjeçari përpara se të përplaset ka pësuar një atak kardiak dhe më pas ka humbur kontrollin mbi drejtimin e mjetit.

22 Qershor 2024, 21:01 Nga r.ll
Aksident te "Ura e Dajlanit" në Durrës, humb jetën
vendngjarja

DURRËS- Një tjetër aksident rrugor ka ndodhur mbrëmjen e sotme në Durrës. Sipas raportimeve, një 22-vjeçar ka ndërruar jetë pranë zonës së njohur si ura e Dajlanit.

Dyshohet se 22-vjeçari përpara se të përplaset ka pësuar një atak kardiak dhe më pas ka humbur kontrollin mbi drejtimin e mjetit. Policia ka mbërritur në vendngjarje për të hetuar shkaqet dhe dinamikën e aksidentit. 

NJOFTIMI I POLICISË:

Durrës/Informacion paraprak

Rreth orës 20:45, në lagjen nr. 4 Durrës, tek "Ura e Dajlanit", automjeti me drejtues shtetasin A. H., 22 vjeç, është përplasur lehtë me trafik ndarësen.

Nga veprimet e para dyshohet se drejtuesi i automjetit ka pësuar arrest kardiak gjatë drejtimit të automjetit dhe për pasojë ka humbur jetën.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Më herët një 16-vjeçar humbi jetën nga përplasja e dy automjeteve në Hamallaj në Gjirin e Lalzit. Po ashtu mbetën të plagosur edhe dy të tjerë, ku njëri prej tyre u dërgua me urgjencë te Trauma.

aksident ne durres

Sondazh

Poll

MË SHUMË