Aktualitet

Punëtorë dhe mjete mbërrijnë në lumin Mat, nis ndërhyrja për të shpëtuar Urën e Zogut, pritet të kryhet restaurimi i plotë i saj

Në lidhje me këtë urë ka pasur protesta dhe peticione të ndryshme të cilat mesa duket kanë dhënë efekt pasi tani po nis zbatimi i një projekti emergjent me vlerë rreth 46 milion lekë. Sipas raportimeve po punohet për ngritjen e këmbës së urës e cila është fundosur mbi 2.5 metra në lumë, e më pas do të vijohet me përforcimin e saj.

20 Qershor 2024, 11:53 Nga N.F
Punëtorë dhe mjete mbërrijnë në lumin Mat, nis
Ura e Zogut

LEZHË- Prej disa ditësh mjete dhe punëtorë kanë shkuar pranë Urës së Zogut në lumin Mat. Mbërritja e mjeteve dhe punëtorëvë tregon që kanë nisur senzibilizimi për të shpëtuar urën e vjetër e cila është duke u shkatërruar dita-ditës.

Në lidhje me këtë urë ka pasur protesta dhe peticione të ndryshme të cilat mesa duket kanë dhënë efekt pasi tani po nis zbatimi i një projekti emergjent me vlerë rreth 46 milion lekë. Sipas raportimeve po punohet për ngritjen e këmbës së urës e cila është fundosur mbi 2.5 metra në lumë, e më pas do të vijohet me përforcimin e saj. Ndëkohë specialistët e mbërritur në këtë zonë janë shprehur se pas ndërhyrjes emergjente kjo urë duhet të restaurohet plotësisht.

 
Ura e Zogut është ndërtuar në vitin 1927 dhe gëzon statusin e Monumentit të Kulturës së kategorisë së parë. Ajo është e veçantë për shkak të harqeve të saj, ndërsa në kohën e ndërtimit, ka qenë një prej rrugëve kryesore që lidhnin Shqipërinë e Mesme me atë të Veriut. Por për shkak se është lënë në harresë, njëra nga këmbët e urës është zhytur në shtratin e lumit më shumë se 2 metër.

ura e zogut lumi mat restaurim

Sondazh

Poll

MË SHUMË