Aktualitet

Nesër Kurban Bajrami, kreu i KMSH uron: Zoti na dhëntë begati e mirësi për kombin tonë

Ai thotë se kjo është një festë në të cilën në çdo zemër e vatër duhet të hyjë gëzimi, dora e solidaritetit dhe përkrahjes.

15 Qershor 2024, 13:33 Nga M.B
Nesër Kurban Bajrami, kreu i KMSH uron: Zoti na dhëntë begati e
Bujar Spahiu

TIRANA- Nesër të gjithë besimtarët mysliman do të fetojnë Kurban Bajramit. Në kuadër të kësaj feste, kryetari i Komunitetit Mysliman të Shqipërisë, Bujar Spahiu, ka uruar të gjithë besimtarët. Spahiu ka uruar për më shumë begati e mirësi për komb. Ai thotë se kjo është një festë në të cilën në çdo zemër e vatër duhet të hyjë gëzimi, dora e solidaritetit dhe përkrahjes.

URIMI:

Të dashur motra dhe vëllezër

Nesër, me lejen e Zotit, do të festojmë Kurban Bajramin.

Festën që simbolizon sakrificën dhe bindjen e njeriut ndaj Zotit dhe mëshirën e pamatë që krijuesi ka për krijesën tij më të lartë, që është njeriu.

Kurbani është një festë në të cilën në çdo zemër e vatër duhet të hyjë gëzimi, dora e solidaritetit dhe përkrahjes.

Kjo festë është festa e ngjalljes së shpresës dhe e optimizmit për të vazhduar me këmbëngulje besnikërinë ndaj Zotit të gjithësisë, se ai është Falës i Madh, Mëshirues i Pakufijshëm.

Të dashur motra dhe vëllezër,

Kurban Bajrami është festë edhe për haxhinjtë.

Miliona besimtarëve nga e gjithë bota, të cilët po kryejnë Haxhin, u janë bashkuar qindra besimtarë nga Shqipëria, e ne lutemi që atyre t’u pranohet haxhi e të kthehen të gjithë të falur e të pastruar nga mëkatet.

Më lejoni që në emrin tim dhe të Komunitetit Mysliman të Shqipërisë t’ju përcjell urimet më të përzemërta me rastin e festës së madhe të Kurban Bajramit

Paçi gëzime në familjet tuaja.

Zoti i madhërishëm na dhëntë begati e mirësi për kombin tonë.

Zoti u dhëntë paqe të gjithë besimtarëve në mbarë botën.

kurban bajrami

Sondazh

Poll

MË SHUMË