Aktualitet

EMRI/ I dënuar me mbi 5 vite burg dhe i shpallur në kërkim, arrestohet 38-vjeçari në Shkodër

Mësohet se 38-vjeçari, ishte dënuar me 5 vite e 2 muaj burg për veprat penale “Dhuna në familje” dhe “Veprime në kundërshtim me vendimin e gjykatës”.

13 Qershor 2024, 11:09 Nga M.B
EMRI/ I dënuar me mbi 5 vite burg dhe i shpallur në kërkim,
Foto ilustruese

SHKODËR- 38-vjeçari Belirjan Kapera, i shpallur në kërkim për dhunë në familje, është arrestuar sot në Shkodër. Mësohet se 38-vjeçari, ishte dënuar me 5 vite e 2 muaj burg për veprat penale “Dhuna në familje” dhe “Veprime në kundërshtim me vendimin e gjykatës”. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Njoftimi:

Komisariati i Policisë Shkodër, si rezultat i kontrolleve të kryera në zbatim të masave të planit operacional “Sundimi i ligjit”, bazuar në informacionet e siguruara nga inteligjenca policore, lokalizoi, kapi dhe ndaloi shtetasin Belirjan Kapera, 38 vjeç, banues në Shkodër, të cilin Gjykata e Shkallës së Parë e Juridiksionit të Përgjithshëm Shkodër e ka dënuar me 5 vjet e 2 muaj burgim, për veprat penale “Dhuna në familje” dhe “Veprime në kundërshtim me vendimin e gjykatës”, pasi ka ushtruar dhunë ndaj ashkëshortes së tij, e cila ka qenë e pajisur më urdhër mbrojtjeje. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

shkoder

Sondazh

Poll

MË SHUMË