Sport

Zidane i sigurtë: "Mbappé do të bëjë histori, mendoj se ai do të na e kalojë të gjithëve”

Mbappé është vetëm në fillim të karrierës së tij, por ai tashmë ka lënë gjurmë në futbollin francez dhe gëzon një njohje globale që shkon përtej kufijve të futbollit

8 Qershor 2024, 18:41 Nga DOSJA
Zidane i sigurtë: "Mbappé do të bëjë histori,

FRANCE - Zinedine Zidane, fituesi i ‘Topit të Artë’ në vitin 1998, sheh një fat të vulosur për Kylian Mbappé. Sipas kampionit të botës 1998, Kylian Mbappe do të hyjë në historinë e kombëtares franceze siç nuk ka bërë asnjë lojtar tjetër më parë. "Ai do të bëjë histori,"- tha Zizou për TF1 në premierën e dokumentarit "Le Phénomène Mbappé" nga Téléfoot.

Mbappé është vetëm në fillim të karrierës së tij, por ai tashmë ka lënë gjurmë në futbollin francez dhe gëzon një njohje globale që shkon përtej kufijve të futbollit. Megjithatë, ndër të mëdhenjtë e botës së futbollit, a mund të konsiderohet i barabartë me paraardhësit e kalibrit të Just Fontaine, Raymond Kopa dhe vetë Zidane?

"Unë mendoj se ai do t'i kalojë të gjithë. Ju duhet t'i respektoni të gjithë këta lojtarë, dhe unë mendoj se ai i bën, dhe kjo është e bukura e kësaj. Por unë mendoj, - garantoi ish-sulmuesi i Juventusit, - duke e parë atë, se ai me siguri do t'i tejkalojë të gjithë të tjerët".

“I lirë dhe i lehtësuar” nga rezultati i transferimit të tij te Real Madrid, Kylian Mbappé tani do të përpiqet të lërë gjurmë në një sezon shumë të turbullt për shkak të largimit të tij të diskutueshëm nga PSG si lojtar i lirë.

Kampionati europian në Gjermani i përshtatet shumë, sepse ish-lojtari i Monakos kërkon hakmarrje pas atij edicioni të 2021 të kompeticionit, kur Les Bleus u eliminuan në 1/16-ën e kompeticionit ndaj Zvicrës me një penallti të humbur nga ana e tij. Një shuplakë në fytyrë që ai absolutisht dëshiron ta lërë pas.

B.T (Dosja.al)

Sondazh

Poll

Sport 8 Qershor 2024, 16:32

Christensen nuk lëviz nga Barça...

SPANJE - Te Barcelona janë të bindur se Andreas Christensen do të qëndrojë me skuadrën e Barcelonës sezonin e ...

MË SHUMË