Sport

“Euro 2024”/ Pas largimit të Maguire, Anglia i frikësohet dëmtimit të Stones

I goditur në kyçin e këmbës gjatë humbjes së Anglisë kundër Islandës (1-0) të premten në një ndeshje përgatitore për ‘Euro 2024’, John Stones duhej të hiqte dorë nga vendi i tij në pjesën e parë.

8 Qershor 2024, 11:30 Nga DOSJA

“Euro 2024”/ Pas largimit të Maguire, Anglia i frikësohet

ANGLI - Shqetësim për John Stones. Tashmë e privuar nga Harry Maguire, Anglia po dridhet për njeriun që duhet të jetë ‘shefi’ i mbrojtjes qendrore të saj në ‘Euro2024’ në Gjermani.

Të premten, gjatë humbjes së “Tre Luanëve” në një ndeshje përgatitore kundër Islandës (1-0) në Wembley, mbrojtësi Stones nuk doli nga dhomat e zhveshjes pas pushimit.

I goditur në kaviljen e djathtë në pjesën e parë, ai i dha vendin lojtarit të Aston Villas, Ezri Konsa dhe u largua nga stadiumi me një fashë në kyçin e këmbës, sipas shtypit britanik. Mbrojtësi i Manchester Cityt u dëmtua në minutën e parë, në një duel me Hakon Haraldsson të Lille dhe anësorin Jon Dagur Thorsteinsson.

Southgate, jo shumë i shqetësuar…

Pasi qëndroi në tokë për disa çaste, ai mundi të rifitonte vendin e tij. Larg nga të qenit i përsosur në rezultatin e hapjes, ku ai u mbrojt keq para Thorsteinsson, Stones u largua në pjesën e parë.

“Ne vendosëm që nuk kishte kuptim të rrezikonim, sepse jemi shumë afër turneut dhe ai është një lojtar shumë i rëndësishëm për ne”,- tha Gareth Southgate pas ndeshjes, i cili u përpoq të ishte i qetë.

“Ne mendojmë se do të jetë në rregull”,- shtoi trajneri i Anglisë. Pasi u larguan nga stadiumi pas një paraqitjeje kryesisht zhgënjyese, “Tre Luanët” do të fillojnë Euron më 16 qershor kundër Serbisë, përpara se të sfidojnë Danimarkën më 20 qershor dhe të përfundojnë fazën e tyre në grupe kundër Sllovenisë më 25 qershor.

Anglia tashmë ka humbur Harry Maguire, i dëmtuar në viç dhe nuk është përfshirë në listën përfundimtare të Southgate për Euro2024. "Pavarësisht të gjitha përpjekjeve të mia, nuk munda ta kapërcej dëmtimin tim. Ndoshta u përpoqa shumë për t'u rikthyer," tha mbrojtësi i Manchester United në rrjetet e tij sociale.

B.T (Dosja.al)