Sport

Kampionët e Real Madridit, do të rikthehet më 15 korrik… në fushë

Ata do të rikthehen në punë me Castillan, për shkak të mungesës së lojtarëve të ekipit të pare… pjesëmarrës në aktivitete me kombëtaret e tyre

5 Qershor 2024, 18:30 Nga DOSJA

Kampionët e Real Madridit, do të rikthehet më 15 korrik…

SPANJE - Kampionët e Europës do të rikthehet në stërvitje të hënën, më 15 korrik. Duke pasur parasysh mungesën e lojtarëve të ekipit të pare, për shkak të pjesëmarrjes së shumë ndërkombëtarëve në Euro 2024 (11 lojtarë të Real Madridit, plus Kroos, i cili do të tërhiqet) dhe Copa América (5), Madridi do të rikthehet në punë te skuadra e dytë e Castillas dhe ata do të punojnë të integruar javët e para.

Valdebebas do të jetë selia parasezonale dhe turneu i Shteteve të Bashkuara do të reduktohet në tre miqësoret e planifikuara. Një turne në të cilin do të jenë edhe disa lojtarë të rinj, sepse në këtë pikë është më se e mundur që të ketë ende disa ndërkombëtarë me pushime (ata do të gëzojnë të paktën tre javë pushime në varësi të kohës kur do të mbarojnë angazhimet e tyre).

Ndeshja e parë e Real Madridit në Shtetet e Bashkuara në turneun e kampionëve, këtë verë do të jetë më 31 korrik kundër AC Milan në stadiumin Soldier Field në Çikago. Më 3 gusht, në stadiumin MetLife në Nju Xhersi, një vend me kapacitet për 82.500 spektatorë, ata do të përballen me Barcelonën në një ‘El Clasico’ të parasezonalit.

Të rinjtë e Ancelottit do të mbyllin turneun miqësor në tokën e Amerikës së Veriut më 6 gusht kundër Chelsea në stadiumin Bank of America në Charlotte (Karolina e Veriut). Tetë ditë më vonë, Madridi do të luajë për titullin e parë të sezonit: Superkupën e Evropës kundër Atalantës, më 14 gusht.

Turne amerikan i Kampionëve, që do të kushtëzohet nga Euro 2024 dhe Copa America, ku Real Madridi do të ketë shumë lojtarë në të dyja kompeticionet. Kështu, pas njoftimit të turit në uebsajt, klubi i bardhë vë në dukje pjesëmarrjen e lojtarëve të tij në të.

"Të gjithë lojtarët e disponueshëm të Real Madridit do të marrin pjesë në Turneun e Kampionëve të Futbollit 2024, përveç atyre që luajnë në gjysmëfinale dhe finale të Euro 2024 ose të Copa America”.

B.T (Dosja.al)