Art&Argëtim

Sydney Sweeney "vjedh" rolin e Taylor Swift, do të luajë si Blonde Phantom në filmin e ardhshëm të Marvel

Shfaqja televizive, e prodhuar nga akotrja Scarlett Johansson, do të fokusohet në heroinën e viteve 1950 Louise Grant.

4 Qershor 2024, 15:55 Nga S.B
Sydney Sweeney "vjedh" rolin e Taylor Swift, do të luajë si
Blonde Phantom

SHBA- Një nga aktoret më të shquara të Hollivudit në vitet e fundit, Sydney Sweeney, është zgjedhur për të portretizuar Blonde Phantom në një serial të ri Marvel për Disney+, duke zëvendësuar këngëtaren Taylor Swift, e cila fillimisht u konsiderua për këtë rol.

Shfaqja televizive, e prodhuar nga akotrja Scarlett Johansson, do të fokusohet në heroinën e viteve 1950 Louise Grant. Ky personazh, i krijuar nga Stan Lee dhe Syd Shores në vitin 1946, është një luftëtare dhe detektive e aftë pa fuqi mbinjerëzore, e cila ndihmon fshehurazi shefin e saj në luftimin e krimit.

Personazhi i Blonde Phantom u shfaq për herë të parë në numrin 11 të All Select Comics. Louise Grant, identiteti i vërtetë i Blonde Phantom, ishte sekretare e një hetuesi privat. Shfaqja e Disney+ synon të ringjallë thelbin e këtij personazhi klasik, duke e përshtatur atë për brezat e rinj, duke i qëndruar besnike origjinës së saj të librit komik.

Fansat janë të etur për të parë se si Sweeney do të portretizojë Blonde Phantom, një personazh që ndërthur elegancën dhe forcën. Lajmi për përfshirjen e Sweeney është shpërndarë nga MyTimeToShineHello në rrjetin social X duke bërë bujë mes fansave.

Edhe pse detajet rreth përfshirjes së mundshme të Swift në projektet e ardhshme të Marvel mbeten spekulative, mungesa e saj në rolin e Blonde Phantom ka lënë një përzierje zhgënjimi dhe kurioziteti mes fansave të të dy yjeve.

sydney sweeney taylor swift

Sondazh

Poll

MË SHUMË