Bota

Zelensky në Filipine për të kërkuar mbështetje për samitin e paqes

Zelenskyy falënderoi Marcos që pranoi të marrë pjesë në samitin e paqes, i cili do të zhvillohet në Zvicrën qendrore më 15-16 qershor.

3 Qershor 2024, 20:10 Nga E. D
Zelensky në Filipine për të kërkuar mbështetje për
Volodymyr Zelenskyy

UKRAINA- Presidenti ukrainas Volodymyr Zelenskyy udhëtoi në Filipine të hënën për tu kërkuar liderëve rajonalë që të marrin pjesë në një samit të ardhshëm të paqes globale të organizuar nga Zvicra për luftën në Ukrainë. Duke mbërritur pa paralajmërim dhe nën masa të rrepta sigurie në Manila të dielën vonë, Zelenskyy u mirëprit në tapetin e kuq në pallatin presidencial përpara se të takohej me homologun e tij filipinas, Ferdinand Marcos Jr.

Zelenskyy falënderoi Marcos që pranoi të marrë pjesë në samitin e paqes, i cili do të zhvillohet në Zvicrën qendrore më 15-16 qershor.

“Jam i lumtur të dëgjoj sot nga ju se do të merrni pjesë në hapat tanë të paqes. Është një sinjal shumë i fortë. Jam i lumtur të dëgjoj sot nga ju se do të merrni pjesë në hapat tanë drejt paqes," tha Zelenskyy. 

Por, mbetet e paqartë nëse lideri filipinas do të marrë pjesë personalisht në samit apo do të dërgojë një përfaqësues.

Siç raportohet, përpara mbërritjes së tij në Filipine, Zelenskyy akuzoi Rusinë për përdorimin e ndikimit kinez në rajon për të shkatërruar samitin e ardhshëm duke u bërë presion vendeve të tjera dhe liderëve të tyre që të mos marrin pjesë.

“Rusia, duke përdorur ndikimin kinez në rajon, duke përdorur edhe diplomatët kinezë, bën gjithçka për të prishur samitin e paqes. Është për të ardhur keq që një vend kaq i madh i pavarur i fuqishëm si Kina është një instrument në duart e Vladimir Putinit," tha ai pa dhënë detaje.

volodymyr zelenskyy

Sondazh

Poll

MË SHUMË