Bota

Mijëra njerëz marshuan rrugëve të Budapestit në mbështetje të Viktor Orbanit/ Thirrjet e tyre: Jo luftë

Siç raportohet mijëra persona kanë marrë pjesë në të ashtuquajturin “Marshi i Paqes” në Budapest për të treguar mbështetjen e tyre për Viktor Orbanin dhe qeverinë hungareze.

1 Qershor 2024, 22:27 Nga E. D

Mijëra njerëz marshuan rrugëve të Budapestit në

pamje nga protesta

BUDAPEST- Një turmë prej dhjetëra mijëra personash u mblodhën në kryeqytetin e Hungarisë në përkrahje të kryeministrit Viktor Orban një javë përpara zgjedhjeve të Parlamentit Evropian. Siç raportohet mijëra persona kanë marrë pjesë në të ashtuquajturin “Marshi i Paqes” në Budapest për të treguar mbështetjen e tyre për Viktor Orbanin dhe qeverinë hungareze.

“E gjithë bota po kërcen në teh të briskut, lufta mund të shpërthejë në çdo moment. Të gjithë duhet të flasin dhe të qëndrojnë për paqen”, tha një demonstrues.

Mbështetësit e Orbanit marshuan përgjatë lumit Danub në Budapest, duke valëvitur flamuj dhe pankarta ku shkruhej “Jo luftë”. Gjithashtu Orban është udhëheqësi më jetëgjatë në Bashkimin Evropian, pasi ka qenë në pushtet për katërmbëdhjetë vitet e fundit.

Po ashtu ai e ka fokusuar fushatën e tij për luftën në Ukrainë. Ndërsa kritikët thonë se thirrjet e tij për një armëpushim të menjëhershëm në Ukrainë do të rezultonin që Rusia të jetë në gjendje të mbajë territoret që ka pushtuar. Në këmbim, Orban i portretizon kundërshtarët e tij si luftënxitës që kërkojnë të përfshijnë Hungarinë drejtpërdrejt në konflikt.

viktor orbanit budapest