Sport

Ish-talenti holandez, Wesley Sneijder: "Dortmundi nuk ka asnjë shpresë me Realin. Mourinho te Fenerbahçe? Ma konfirmoi"

"Real Madrid ka përvojë të jashtëzakonshme dhe lojtarë cilësorë, do të jetë e pamundur që verdhezinjtë të fitojnë”

31 Maj 2024, 17:23 Nga DOSJA

Ish-talenti holandez, Wesley Sneijder: "Dortmundi nuk ka asnjë

HOLANDE - Wesley Sneijder, ish-mesfushori i Interit dhe Real Madridit ndër të tjera, foli për ‘Sky’ në prag të finales së Ligës së Kampionëve, ku Reali do të përballet me Borussia Dortmundin:

“Kjo është një finale. Real Madridi është padyshim favorit, por gjithçka mund të ndodhë në finale. Për mendimin tim Real Madridi do të fitojë, por kini kujdes nga nënvlerësimi i Borussia Dortmundit, i cili ka mundur të eliminojë skuadra si Atletico Madrid dhe Paris Saint Germain. Megjithatë, Real Madrid ka përvojë të jashtëzakonshme dhe lojtarë cilësorë, do të jetë e pamundur që verdhezinjtë të fitojnë”.

Çfarë të veçantë ka Ancelotti?
"Ai është shumë i fortë. Unë kurrë nuk kam punuar me të, por nga jashtë duket se është babai i të gjithë lojtarëve. Ai është gjithashtu shumë i mirë taktikisht."

Kush do të jenë lojtarët vendimtarë?
Vinicius dhe Rodrygo do të bëjnë diferencën nesër”.

Interi fitoi ‘Scudetton’ e yllit të dytë dhe Lautaro rinovoi…
"Interi bëri shumë mirë në ligë, megjithëse do të prisja diçka më shumë në Champions League. Ata janë një ekip shumë i fortë, vitin e ardhshëm do të paktën të arrijnë në gjysmëfinale të Liga e Kampioneve".

Mourinho do të largohet për te Fenerbahçe
"Kam folur me të këtë mëngjes, ai ma konfirmoi se do të shkojë në Fenerbahçe. Duke pasur parasysh të kaluarën time te Galatasaray, do të jetë më e komplikuar të shihemi tani (qesh)".

Zirkzee?
"Ai është një lojtar shumë i fortë, ai e meritonte të thirrej në Kampionatin Evropian. Ai do të shkojë në një ekip të nivelit të lartë."

Holanda në Kampionatin Evropian?
"Për mendimin tim ne mund të arrijmë në gjysmëfinale. Gjermania, Franca dhe Anglia janë shumë të forta, për ne gjysmëfinalja është më e mira që mund të aspirojmë."

B.T (Dosja.al)