Sport

Copa America/ Lucas Paqueta do të luajë me Brazilin, pavarësisht akuzave për baste

Lucas Paqueta do të mund të luajë normalisht me kombëtaren e Brazilit në Copa America të ardhshme edhe pse akuzohet për baste të paligjshme në Angli.

31 Maj 2024, 17:05 Nga DOSJA

Copa America/ Lucas Paqueta do të luajë me Brazilin, pavarësisht

BRAZIL - Lucas Paqueta mund të rrezikohet nga një përjashtim 10-vjeçar nga futbolli nëse shpallet fajtor për akuza të paligjshme bastesh, por duket se këto rrethana aktuale nuk do ta pengojnë atë të marrë pjesë në Copa America me Brazilin.

Braziliani do të tentojë të “pastrojë” emrin e tij, por përpara se çështja të mbyllet pozitivisht apo negativisht, ai vetë nuk do të përballet me pengesa për të vazhduar luftën. Lojtari i West Ham është thirrur në skuadrën e vendit të tij dhe vetë FA ka konfirmuar se thirrja e tij nuk do të revokohet.

Në një deklaratë, Konfederata Braziliane e Futbollit (CBF) tha: "Duke marrë parasysh faktet e raportuara nga FA angleze, CBF, e mbështetur nga opinioni i përbashkët i Departamentit Ligjor dhe Qeverisjes dhe Pajtueshmërisë dhe Njësisë së Integritetit, ka vendosur të mbështesë thirrjen e lojtarit.

Në bazë të informacionit të dhënë nga FA, konstatohet pa mëdyshje se lojtari Lucas Paqueta, pavarësisht sjelljes për të cilën akuzohej, ka dhënë pëlqimin për largimin paraprak (nga skuadra). Ai nuk është dënuar deri më sot nga organi i akuzës i autorizuar për vendosjen e sanksioneve ndaj tij.

Është e drejtë të thuhet se lojtari është i lirë të kryejë deri më sot punën e tij profesionale, një burim jetese për veten dhe familjen e tij, në mënyrë të plotë dhe të pakufizuar, qoftë për klubin e tij, qoftë për kombëtaren e vendit të tij. "

B.T (Dosja.al)