Art&Argëtim

Festivali i Filmit në Venecia 2024/ Zbulohen datat, filmat dhe aktorët që priten të marrin pjesë

Nëse filmi do të pranohej, do të shënonte rikthimin e Depp në Venecia, e cila e mirëpriti atë vitin e kaluar në premierën e filmit të tij "Jeanne Du Barry".

31 Maj 2024, 17:18 Nga S.B
Festivali i Filmit në Venecia 2024/ Zbulohen datat, filmat dhe aktorët
festivali i filmit

ITALI- Festivali i Filmit në Venecia 2024 po i “vë syrin” disa prej filmave më në modë për të bërë debutimin e tyre në tapetin e kuq. Ngjarja, e cila do të zhvillohet këtë gusht në qytetin italian, mund të shërbejë si skenë premierë për projektet e pritura ku luajnë aktorë të njohur si Angelina Jolie, Brad Pitt, Johnny Depp dhe Lady Gaga.

Variety raporton se një grup filmash të pritur janë pothuajse të garantuar për t'u pranuar në festival, duke përfshirë "Maria", filmi biografik me Angelina Jolie që përshkruan jetën e Maria Callas dhe "Joker: Folie a Deux", me Lady Gaga në rolin e Harley Quinn dhe Joaquin Phoenix. Festivali mund të përfshijë gjithashtu një ribashkim mes Jolie dhe ish-burrit të saj Brad Pitt, me "Wolfs" të tij të ri gjithashtu të përfshirë.

Filma të tjerë përfshijnë "Eden”, me protagonistë Ana de Armas, Sydney Sweeney dhe Jude Law, "In the Hand of Dante", me protagonist Oscar Isaac dhe, së fundi, "Modi", i cili është drejtuar nga Johnny Depp. Nëse filmi do të pranohej, do të shënonte rikthimin e Depp në Venecia, e cila e mirëpriti atë vitin e kaluar në premierën e filmit të tij "Jeanne Du Barry".

Ndërsa ende nuk ka siguri në lidhje me filmat që do të zgjidhen përfundimisht për të marrë pjesë në festival, pritet të jetë një vit interesant, i mbushur me shumë yje në tapetin e kuq prestigjioz të festivalit. Juria e Venecias do të kryesohet nga aktorja franceze Isabelle Huppert.

Festivali i Filmit në Venecia është planifikuar të zgjasë nga 28 gushti deri më 7 shtator të këtij viti.

festivali i filmit ne venecia

Sondazh

Poll

MË SHUMË