Sport

“Euro 2024”/ Acerbi, një mbrojtës më pak për Italinë: Gatti, mbetet në pritje...

Mbrojtësi i Interit nuk do të jetë në Coverciano për takimin e 31 majit: Spalletti humbet një lojtar të rëndësishëm për repartin e mbrojtjes

31 Maj 2024, 07:30 Nga DOSJA

“Euro 2024”/ Acerbi, një mbrojtës më pak për

ITALI - Nuk ka “Euro 2024” për Francesco Acerbi. FIGC në fakt ka komunikuar se mbrojtësi i Interit nuk do të marrë pjesë në takimin e Covercianos për shkak të pasojave të dhimbjes në ijë dhe se trajneri Luciano Spalletti tashmë ka njoftuar Federico Gattin, i cili fillimisht u përjashtua nga lista me 30 lojtarë të thirrur.

Mbrojtësi i Juventusit do të fillojë stërvitjen për Continassa, dhe më pas do t'i bashkohet grupit italian. Megjithatë, Acerbi do të operohet të hënën dhe do të rikthehet në punë me Interin për kampin stërvitor më 13 korrik.

Gatti paralajmërohet, por nuk thirret: ja arsyeja

Federico Gatti nuk do të arrijë në Coverciano, por do të vazhdojë të stërvitet duke pritur për një telefonatë të mundshme, e cila, megjithatë, mund të mos arrijë kurrë. Trajneri Spalletti në fakt tashmë ka në dispozicion 10 mbrojtës dhe deri më 6 qershor do të duhet të heqë katër lojtarë nga lista me 30 lojtarë të thirrur, më saktë një portier dhe tre lojtarë jashtë fushës.

Në dispozicion të trajnerit italian janë pesë qendërmbrojtës, të cilëve nëse është e nevojshme mund t'u shtohen edhe Di Lorenzo dhe Darmian. Kjo është arsyeja pse mbrojtësit tashmë mund të plotësoheshin edhe me Acerbin, të dëmtuar, i cili do të bëhej një nga katër prerjet në listën zyrtare të lojtarëve të thirrur, pa pasur nevojë për mbrojtës shtesë në skuadër.

Shënim nga Federata…

“Për shkak të pasojave të një ‘dhimbje në ije’, futbollisti Francesco Acerbi nuk do të jetë pjesë e kombëtares që do të mblidhet nesër (sot) në Qendrën Teknike Federale në kuadër të UEFA Euro 2024.

Trajneri italian, Luciano Spalletti, ka vënë në alarm tashmë mbrojtësin e Juventusit, Federico Gatti, i cili është vënë në dispozicion dhe menjëherë do t'i hyjë punës në selinë e tij. Për momentin, pra, janë 29 lojtarë që do të arrijnë në kampin stërvitor në Coverciano deri në orën 12 të mesditës nesër”.

B.T (Dosja.al)

Sondazh

Poll

MË SHUMË