Politike

Komisioni i Posaçëm Antikorrupsion/' Basha: Manovër elektorale e Ramës. Nuk mund të jemi pjesë e kësaj farse

Basha e cilësoi komisionin si një manovër elektorale e kryeministrit Rama. Basha tha se PD nuk bëhet pjesë e lojërave të Ramës, duke thënë se s’kanë vullnet për të luftuar korrupsionin.

30 Maj 2024, 10:24 Nga B.Z
Komisioni i Posaçëm Antikorrupsion/' Basha: Manovër
Lulzim Basha

TIRANË - Kreu i PD-së së vulës, Lulzim Basha ka folur për komisionin anti-korrupsion që pritet të votohet sot në Kuvend. Pak para nisjes së seancës plenare, në një prononcim për gazetarët Basha e cilësoi komisionin si një manovër elektorale e kryeministrit Rama. Basha tha se PD nuk bëhet pjesë e lojërave të Ramës, duke thënë se s’kanë vullnet për të luftuar korrupsionin.

“Siç e paralajmërova është e qartë se nuk është gjë tjetër veçse një manovër elektorale. Një komision që nuk është komision, emrat janë përcaktuar, përpjekje për të larë manovrat e kësaj qeverie. Kjo mazhornacë s’ka interes të ndihmojë dhe forcojë SPAK, por po bën gjithçka për ta rrethuar, dobësuar, intimiduar. S’ka arsye për SPAK të ekzistojë nëse sëdo kishim korrupsionin e Ramës. SPAK ka lindur si nevojë për shkak të korrupsionit të kësaj qeverie.  Ne kemi bërë propozim konkret, votoni amendamendet tona dhe jemi gati të votojmë për të fuqizuar luftën për korrupsionin.

E njëjta gjë për reformën zgjedhore, jemi 10 muaj para zgjedhjeve. Kanë tre muaj që kanë ndërprerë punën e Komisionit të Reformës Zgjedhore. Është e qartë që thelbi në luftën kundër korrupsionit, që është vota e qytetarëve, nuk e duan. Edhe imuniteti i deputetëve. I vetmi hall i tyre ishte amnistia penale, ku nxorën të dënuarit për korrupsion. 10 muaj para zgjedhjeve, PS dhe Rama që bashkuan votat për të liruar të dënuarit për korrupsion, nuk kanë asnjë vullnet për të luftuar korrupsion. PD nuk mund të jetë pjesë e kësaj farse. Aty i kanë amendamentet për kodin zgjedhor, për të ofruar zgjedhje të lira, aty e kanë amendamendin për heqjen e imunitetit.

Ata rrinë duke bërë shfaqje të shtrenjta, duke i marrë miliona euro shqiptarëve, për të bërë qejf. Shqiptarët meritojnë lirinë e votës, barazinë para ligjit, PD e ka propozuar këtë", tha Basha. 

 

lulzim basha ps komision anti korruspion

Sondazh

Poll

Politike 30 Maj 2024, 10:18 M.B

Nis seanca plenare në Kuvend

Kuvendi TIRANA- Ka nisur seanca plenare e radhës në Kuvend ku pritet të ketë debate mes opozitës dhe mazhorancës në...

MË SHUMË