Politike

"Ishin disa persona", sulmi ndaj avokatit të Berishës, policia sekuestron pamjet e kamerave të sigurisë në zonë

Mëngjesi është dërguar menjëherë në spital për dhënien e ndihmës mjekësore dhe ndodhet nën kujdesin e mjekëve.

29 Maj 2024, 10:14 Nga M.B
"Ishin disa persona", sulmi ndaj avokatit të Berishës,
Sokol Mëngjesi

TIRANA- Avokati i ish-kryeministrit, Sali Berisha, Sokol Mëngjesi është goditur nga persona të paidentifikuar. Ngjarja mësohet të ketë ndodhur në zonën e ish-Bllokut në Tiranë. Mëngjesi është dërguar menjëherë në spital për dhënien e ndihmës mjekësore dhe ndodhet nën kujdesin e mjekëve. Po ashtu mësohet se gjendja e tij shëndetësore është normale.

Nga ana tjetër dyshohet se ishin 3 persona që kanë marrë pjesë në sulmin ndaj avokatit Mëngjesit. Gjithashtu mësohet se policia ka sekuestruar kamerat e sigurisë për identifikimin e autorëve.

“Sot, rreth orës 08:50, në zonën e ish-Bllokut në Tiranë, persona ende të paidentifikuar kanë goditur shtetasin S. M., me profesion avokat. I dëmtuari është dërguar menjëherë në spital për dhënien e ndihmës mjekësore dhe ndodhet nën kujdesin e mjekëve. Gjendja e tij shëndetësore është e stabilizuar. Drejtoria Vendore e Policisë Tiranë dhe strukturat e Policisë së Shtetit janë angazhuar për identifikimin dhe kapjen e autorëve”, thuhet në njoftim.

sokol mengjesi

Sondazh

Poll