Aktualitet

Vidhnin karburant nga kamioni i një firme ndërtimi, arrestohen dy persona në Vlorë, njëri prej tyre punonjës i kompanisë

Mësohet se 65-vjeçari S.M dhe 26-vjeçari M.K në bashkëpunim, vidhnin karburant nga kamioni i një firme ndërtimi.

29 Maj 2024, 12:29 Nga S.B
Vidhnin karburant nga kamioni i një firme ndërtimi, arrestohen dy
pamje nga ngjarja

VLORË- Arrestohen dy persona në Vlorë për vjedhje karburanti. Mësohet se 65-vjeçari S.M dhe 26-vjeçari M.K në bashkëpunim, vidhnin karburant nga kamioni i një firme ndërtimi.

Gjithashtu bëhet me dije se 65-vjeçari është punonjës i firmës së ndërtimit si drejtues i kamionit ku u vodh karburanti. Me rastin do të merret Prokuroria Vlorë.

Njoftimi i Policisë:

Vodhën një sasi karburanti nga kamioni i një firme ndërtimi, identifikohen dhe arrestohen 2 shtetas (njëri prej tyre punonjës i firmës). Shërbimet e Komisariatit të Policisë Vlorë, pas marrjes së njoftimit se ishte vjedhur sasia e karburantit, nga kamioni i një firme ndërtimi, kanë kryer të gjitha veprimet hetimore dhe, bazuar në provat e siguruara, kanë finalizuar operacionin policor të koduar “Storm 21”. Si rezultat, u bë identifikimi dhe arrestimi i autorëve të dyshuar të vjedhjes, shtetasve:

S. M., 65 vjeç, dhe M. K., 26 vjeç, të dy banues në Vlorë.

Nga veprimet hetimore dyshohet se shtetasi S. M. (drejtues i kamionit të firmës së ndërtimit), vidhte sasi karburanti nga kamioni i firmës, në bashkëpunim me shtetasin M. K.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

vlore vjedhje karburanti

Sondazh

Poll