Sport

Romário dhe Marcos Braz, hetohen në Brazil nën dyshimin për korrupsion

Sipas shtypit brazilian raporton, se ka shenja të korrupsionit pasiv dhe pastrimit të parave

28 Maj 2024, 17:03 Nga DOSJA
Romário dhe Marcos Braz, hetohen në Brazil nën dyshimin

BRAZIL - Ish-ndërkombëtari Romário, senator nga Rio de Zhaneiro dhe Marcos Braz, zv.president i Flamengos dhe këshilltar i zgjedhur për shtetin, po hetohen me dyshimin për korrupsion.

Informacioni është bërë i ditur këtë të hënë nga ‘UOL Esporte’, e cila shton se ka ende shenja të korrupsionit pasiv dhe pastrimit të parave. Me sa duket, Gjykata e Lartë Federale (STF) hapi një hetim në fillim të këtij muaji për të hetuar çështjen, e cila mbetet nën sekretin gjyqësor.

Sipas të njëjtit burim, autori i marrëveshjes për pranimin e fajësisë është Marcus Vinícius Azevedo da Silva, një biznesmen, i cili u arrestua në vitin 2019, pasi u akuzua për pjesëmarrje në një devijim burimesh nga projektet sociale të drejtuara nga qeveria dhe qyteti i Rio de Janeiro.

Sipas denoncuesit, Marcos Braz ishte përgjegjës për marrjen e shumave të përvetësuara në këtë skemë, e cila dyshohet se përfshinte një organizatë joqeveritare (OJQ) për "favorizim të paligjshëm të Romário".

Romário ka reaguar tashmë përmes një shënimi të dërguar nga zyra e shtypit që e përfaqëson atë: "Senatori nuk është përgjegjës për veprimet e sekretarit (Marcos Braz) në ushtrimin e detyrave të tij. (Romário) rikonfirmon besimin e tij në drejtësi dhe në mbyllje e padiskutueshme e hetimit”,- citon UOL. Marcos Braz refuzoi të komentojë.

B.T (Dosja.al)

Sondazh

Poll

MË SHUMË