Aktualitet

80 mijë eurot e vjedhura në bankat e Evropës do i shisnin në Shqipëri, arrest shtëpiak për dy të ndaluarit në Durrës

Këta të fundit dyshohet se i kanë marrë paratë nga persona të tjerë që kanë realizuar grabitjet jashtë vendit dhe do t’i shisnin tek të tjerë

23 Maj 2024, 09:25 Nga r.ll
80 mijë eurot e vjedhura në bankat e Evropës do i shisnin në
parate

DURRËS- Gjykata e Durrësit ka caktuar "arrest shtëpie" Taulant Demerxhiu dhe Vladimir Kokomani, të cilët para tre ditëve u arrestuan me 80 mijë euro që dyshohet se ishin grabitur në bankat e BE-së.

Shuma e parave e cila do të shitej në tregun e brendshëm, u kap në automjetin me të cilin po lëviznin dy personat.

Këta të fundit dyshohet se i kanë marrë paratë nga persona të tjerë që kanë realizuar grabitjet jashtë vendit dhe do t’i shisnin tek të tjerë.

VENDIMI I GJYKATËS:

Vleftësimin si të ligjshëm të arrestit në flagrancë personit nën hetim V.K..

Caktimin si masë sigurimi personale shtrënguese ndaj personit nën hetim V.K., atë të “Arrest në shtëpi” parashikuar nga neni 237 i Kodit të Procedurës Penale, duke u detyruar personi nën hetim V.K.të qëndrojë dhe të mos largohet nga banesa e tij e ndodhur në Shijak, fshatin Hardhishtë, banesë private, 2-katëshe.

Urdhërohet lirimi i menjëhershëm i personit nën hetim V. K. nga ambientet e paraburgimit nëse nuk mbahet apo nëse nuk duhet të mbahet i arrestuar, i ndaluar apo i dënuar për ndonjë vepër tjetër penale.

Vleftësimin si të ligjshëm të arrestit në flagrancë personit nën hetim T. D.

Caktimin si masë sigurimi personale shtrënguese ndaj personit nën hetim T.D, atë të “Arrest në shtëpi” parashikuar nga neni 237 i Kodit të Procedurës Penale, duke u detyruar personi nën hetim T. D. të qëndrojë dhe të mos largohet nga banesa e tij e ndodhur në Fushë-Krujë, Zallë, banesë private, 2-katëshe.

Urdhërohet lirimi i menjëhershëm i personit nën hetim T. D. nga ambientet e paraburgimit nëse nuk mbahet apo nëse nuk duhet të mbahet i arrestuar, i ndaluar apo i dënuar për ndonjë vepër tjetër penale.

Zbatimi dhe mbikëqyrja e kësaj mase të bëhet nga oficerët e policisë gjyqësore që mbulojnë vendbanimin e personit nën hetim.

Zbatimi dhe mbikëqyrja e kësaj mase të bëhet nga oficerët e policisë gjyqësore që mbulojnë vendbanimin e personit nën hetim.

Kundër këtij vendimi mund të bëhet ankim në Gjykatën e Apelit të Juridiksionit të Përgjithshëm, brenda 5 (pesë) ditëve, duke filluar ky afat nga e nesërmja e njoftimit të vendimit të arsyetuar.

taulant demerxhiu vladimir kokomani gjykata e durresit

Sondazh

Poll

MË SHUMË