Sport

BEFASI!... Francezja Stéphanie Frappart do të gjykojë finalen e Kupës së Greqisë

Federata Greke e Futbollit njoftoi të martën se Stéphanie Frappart do të drejtojë finalen e Kupës së Greqisë mes Panathinaikos dhe Aris FC, më 25 maj në Volos.

21 Maj 2024, 19:17 Nga DOSJA
BEFASI!... Francezja Stéphanie Frappart do të gjykojë finalen e

GREQI - Stéphanie Frappart do të jetë në Greqi më 25 maj. Arbitrja franceze do të drejtojë finalen e Kupës së Greqisë mes Panathinaikos dhe Aris FC. 

“Për herë të parë në historinë e Kupës së Greqisë, një femër do të arbitrojë ndeshjen e fundit të kompeticionit”,- është shprehur federate greke në një deklaratë për shtyp. Ndeshja do të luhet pa tifozë për të shmangur shqetësimet e rendit publik në një vend ku përplasjet mes huliganëve janë të përsëritura.

Frappart u shpall gjyqtarja më e mirë femër në botë në fillim të janarit për të pestën herë radhazi nga Federata Ndërkombëtare e Historisë dhe Statistikave të Futbollit (FIHFS).

Një pioniere e vërtetë, zyrtarja 40-vjeçare ishte gruaja e parë që drejtoi një fazë finale të Kupës së Botës për meshkuj, në fund të vitit 2022 në Katar, por ajo nuk u përzgjodh për “Euro 2024” që do të luhet këtë verë në Gjermani ( Qershor 14 - 14 korrik).

Në Greqi, caktimi i arbitrave të huaj është kthyer në një praktikë të përsëritur për ndeshjet me aksione të larta, në një kontekst të minuar nga dhuna dhe korrupsioni.

B.T (Dosja.al)

Sondazh

Poll

MË SHUMË