Politike

Avokati Gjokutaj: Në dosjen e SPAK nuk ka më asnjë veprim hetimor ndaj Sali Berishës

Gjokutaj u shpreh se në raportimin 2 mujor të SPAK në gjykatë nuk përmendet më emri i Sali Berishës.

21 Maj 2024, 18:49 Nga r.ll
Avokati Gjokutaj: Në dosjen e SPAK nuk ka më asnjë veprim hetimor
genc gjokutaj

TIRANË- Avokati Genc Gjokutaj, ka folur në lidhje me procesin gjyqësor ndaj kryetarit të Partisë Demokratike, Sali Berisha në Gjykatën e Posaçme.

Në një lidhje direkte në SYRI TV, Gjokutaj u shpreh se në raportimin 2 mujor të SPAK në gjykatë, sipas tij me qëllim justifikimin e masave të sigurisë, ndaj kryetarit të opozitës nuk ka më asnjë veprim hetimor dhe nuk përmendet më emri i Sali Berishës.

"Sot në mënyrë tej çdo dyshimi të arsyeshëm, u vërtetua fakti se Sali Berisha është një i burgosur i ndërgjegjes. Ne sot në seancë, pas gjithë materialit që ka sjellë prokuroria, përfundimisht në raportimin që bën SPAK çdo dy muaj, për personat e arrestuar, apo paraburgosur, nuk ka më veprime hetimor ndaj Sali Berishës.

Sali Berisha nuk përmendet më as me emër. Ky është fundi i këtij procesi, dhe ata vazhdojnë dhe duan të thonë se, kjo ka lidhje me zotin Berisha. Në mënyrë shterruese në u munduam të vendosim në një dialog logjik se çfarë lidhje kanë prurjet e sotme të prokurorisë, oponencën e projektit të Libenskin, ka pasur apo jo, ç’lidhje ka pasur mbrojtja kundër zjarrit dhe sqarimi që mbrojtja kundër zjarrit ngatërrohet me kontribute patriotike që thoshte prokuroria, përfundimisht e ka degjeneruar këtë proces në një teatër kukullash të shëmtuar, por me një kosto shumë të madhe me liderin e opozitës shqiptare ne gjendje arresti", tha Genc Gjokutaj.

genc gjokutaj sali berisha

Sondazh

Poll

MË SHUMË