Sipas tij taksat janë ulur vetëm për klientët e qeverisë, oligarkët e miqtë e Edi Ramës, ndërkohë që bizneset më në nevojë, shtyhen të mbyllen apo të punojnë në kushtet e mbijetesës, si pasojë e rritjes së barrës fiskale.
TIRANË - Kreu i Grupit Parlamentar në Partinë Demokratike Gazmend Bardhi, ka komentuar ligjin e miratuar nga qeveria i cili ka ardhur në zbatim nga data 1 janar e këtij viti, ku profesionistët e lirë, dikur të përjashtuar nga detyrimet tatimore do të duhet të derdhin detyrimet fiskale.
Në një reagim në rrjete sociale Bardhi shkruan se tatimi me 15% për profesionet e lira ka sjellë mbylljen e rreth 35% të bizneve dhe mijëra kërkesa janë ende në përpunim. Bardhi shprehet gjithashtu se Rama premtoi për ta taksa zero, realiteti paraqitet krejt ndryshe.
Sipas tij taksat janë ulur vetëm për klientët e qeverisë, oligarkët e miqtë e Edi Ramës, ndërkohë që bizneset më në nevojë, shtyhen të mbyllen apo të punojnë në kushtet e mbijetesës, si pasojë e rritjes së barrës fiskale.
Reagimi i Bardhit:
Shqipëria duhet ti japë fund modelit qeverisës të Edi Ramës, që diskriminon e shtyp më të pamundurin, dhe favorizon më të fortin. Qytetarët dhe bizneset kanë nevojë për një Qeveri që punon dhe kujdeset për ta, që ua lehtëson vështirësitë dhe i mbështet që të rrisin e zhvillojnë ekonominë e tyre. Ashtu sikurse Grupi Parlamentar i Partisë Demokratike paralajmëroi kohën e miratimit të ligjit të ri, hyrja në fuqi e taksimit progresiv të profesionistëve të lirë, që arrin deri në 23 %, ka detyruar mijëra prej tyre të mbyllin aktivitetin. Sipas QKB-së, 35% e tyre janë mbyllur zyrtarisht, ndërkohë që mijëra kërkesa të reja janë ende nën përpunim.
Mbyllja e biznesit nga mijëra profesionistë të lirë është dramë e familjeve të tyre, por është edhe e dëmshme për shoqërinë dhe shtetin shqiptar. Është e pafalshme që për shkak të diskriminimit të Qeverisë së Edi Ramës, mijëra familje të humbasin të vetmen mundësi punësimi dhe të ardhurash për familjet e tyre. Ndërkohë që Edi Rama premtoi për ta taksa zero, realiteti paraqitet krejt ndryshe. Taksat janë ulur vetëm për klientët e qeverisë, oligarkët e miqtë e Edi Ramës, që operojnë në një regjim të lehtësuar dhe favorizues, ndërkohë që bizneset më në nevojë, shtyhen të mbyllen apo të punojnë në kushtet e mbijetesës, si pasojë e rritjes së barrës fiskale. Zgjidhja është: Shqipëria duhet të ndryshojë model qeverisës, të largojë Edi Ramën dhe modelin e tij të korruptuar që favorizon vetëm oligarkët dhe klientët e tij.
Ilir Meta TIRANË - Presidenti i Partisë së Lirisë, Ilir Meta, ka folur këtë të hënë në lidhje me procesin...
Protesta te Bashkia TIRANË - Policia e Shtetit ka publikuar masat paraprake për mbarëvajtjen e protestës së thirrur ditën e n...
TIRANË- Kryetari i Partisë Demokratike Sali Berisha, në një dalje publike për mediat deklaroi se kreu i SPAK Altin Dumani përs&e...
Korreshi TIRANË- Deputeti i PD-së Saimir Koreshi ka marrë pjesë në mbledhjen e sotme të Këshillit të Legjislac...
Dhurata Çupi TIRANË- Ditën e sotmë është mbledhur Këshilli i Legjislacionit për vendimet e Gjykatës Ku...
Sali Berisha TIRANA- Kryetari i Partisë Demokratike Sali Berisha Kka dhënë një intervistë për revistën “The F...
Rama TIRANË- Kryeministri Edi Rama ka zhvilluar së fundmi një intervistë ku është shprehur se SPAK ka mbështetjen maksim...
erion veliaj dhe 3 drejtorët e arrestuar TIRANË- Prokuroria e Posaçme ka thelluar hetimet rreth dosjes “5D”, në kuadë...
David Wisner TIRANA- I ngarkuari me punë i ambasadës së SHBA-ve në Shqipëri, David Wisner ka marrë pjesë në ak...
luan baci TIRANË- Deputeti i Partisë Demokratike, Luan Baçi në një deklaratë për mediat para SPAK ka sqaruar arsyet s...